മംമ്താ മോഹന്‍ദാസ് വിവാഹമോചനത്തിന്

കൊച്ചി: മംമ്താ മോഹന്‍ദാസ് വിവാഹമോചനത്തിന് ഒരുങ്ങുന്നതായി വാര്‍ത്ത. ഭര്‍ത്താവ് പ്രജിത്ത് പത്മനാഭനുമായുള്ള ബന്ധം അവസാനിപ്പിക്കുന്നുവെന്ന വാര്‍ത്ത പുറത്തുവിട്ടത് മംമ്ത തന്നെയാണ്. ഒരു ഇംഗ്ലീഷ് പത്രത്തിനു നല്‍കിയ അഭിമുഖത്തിലാണ് മംമ്ത ഇക്കാര്യം പറഞ്ഞത്. ഒരു വര്‍ഷം മുമ്പാണ് മംമ്ത - പ്രജിത്ത് വിവാഹം നടന്നത്. വിവാഹമോചനത്തിനുള്ള നടപടി ക്രമങ്ങള്‍ അടുത്തമാസം ആരംഭിക്കുമെന്നും മംമ്ത പറഞ്ഞതായും പത്രം റിപ്പോര്‍ട്ട് ചെയ്യുന്നു.
ഞാനും പ്രജിത്തും വ്യത്യസ്ത കാഴ്ചപ്പാടുകളുള്ള വ്യക്തികളാണ്. അക്കാര്യം തിരിച്ചറിയാന്‍ കഴിഞ്ഞതില്‍ ഞാന്‍ സന്തോഷിക്കുന്നു. ഒരുമിച്ചുള്ള യാത്ര ഇനി തുടരാന്‍ കഴിയില്ലെന്ന് ഞങ്ങള്‍ക്ക് ബോധ്യമായി. ഈ സാഹചര്യത്തില്‍ പിരിയാന്‍ തീരുമാനിക്കുകയാണ്. കുറച്ചുമാസമായി ഞങ്ങള്‍ പിരിഞ്ഞാണ് കഴിയുന്നത്. 2013 ജനുവരിയില്‍ വിവാഹമോചനത്തിന്റെ നിയമപരമായ നടപടികള്‍ ആരംഭിക്കും- മംമ്ത പറയുന്നു.
കഴിഞ്ഞവര്‍ഷത്തെ 11-11-11 എന്ന അപൂര്‍വ ദിനത്തിലായിരുന്നു പ്രജിത്ത് -മംമ്ത വിവാഹനിശ്ചയം. 12-12-12 ന് വിവാഹമോചന വാര്‍ത്തയും പുറത്തുവന്നത് യാദൃശ്ചികമാകാം. കഴിഞ്ഞ ഡിസംബര്‍ അവസാനമാണ് ബഹ്‌റൈനില്‍ ബിസിനസുകാരനും മംമ്തയുടെ കുടുംബസുഹൃത്തിന്റെ മകനുമായ പ്രജിത്തുമായുള്ള വിവാഹവും നടന്നത്.
വിവാഹശേഷം കുറച്ചുകാലം സിനിമാ രംഗത്തുനിന്നും മാറിനിന്ന മംമ്ത അടുത്തിടെ സിനിമയിലേക്ക് തിരിച്ചുവന്നത്. 'പിരിയാന്‍ ഞങ്ങള്‍ ഒന്നിച്ചെടുത്ത തീരുമാനമാണ്. ഈ തീരുമാനം കുടുംബാംഗങ്ങള്‍ക്കും മറ്റും ഉള്‍ക്കൊള്ളാന്‍ ബുദ്ധിമുട്ടായിരിക്കും എന്നെനിക്കറിയാം. എന്നാല്‍ അവര്‍ എന്റെ നിലപാടില്‍ വിശ്വാസമുള്ളവരാണ്' മംമ്ത പറഞ്ഞു.
related stories

• നടി മംമ്‌ത അപകടത്തില്‍പ്പെട്ടു
• ആശ്വാസമായത്‌ മഞ്ചുചേച്ചിയുടെ പിന്തുണ: കാവ്യ

മഹേഷ് ഭട്ട് എന്നെ മകനായി കണ്ടിട്ടില്ല: രാഹുല്‍ ഭട്ട്

മുംബൈ: ബോളിവുഡിലെ അതികായനാണെങ്കിലും മഹേഷ്ഭട്ട് ഒരിക്കലും മകനെന്ന പരിഗണന തനിക്ക് നല്‍കിയിട്ടില്ലെന്ന് പുത്രന്‍ രാഹുല്‍ ഭട്ട്. അച്ഛനില്‍നിന്നും മധുരതരമായ ഒരനുഭവവും തനിക്ക് ലഭിച്ചിട്ടില്ല. അതുകൊണ്ടാണ് തന്റെ 'ഹെഡ്‌ലി ആന്‍ഡ് ഐ' എന്ന പുസ്തകത്തില്‍ സൂപ്പര്‍ ബാസ്റ്റഡ് എന്ന് സ്വയം വിശേഷിപ്പിച്ചിരിക്കുന്നത്.
കുട്ടിക്കാലം മുതലേ മറ്റ് മക്കള്‍ക്ക് ലഭിക്കുന്ന പരിഗണന എനിക്ക് ലഭിച്ചിട്ടില്ല. ഓരോ കാര്യത്തിനും അടിയുണ്ടാക്കണമായിരുന്നു. മഹേഷ്ഭട്ട് നല്ല അച്ഛനായിരുന്നെങ്കില്‍ ഒരിക്കലും ഞാന്‍ ഡേവിഡ് ഹെഡ്‌ലി എന്ന ഭീകരനുമായി കൂട്ടുചേരില്ലായിരുന്നു. കുട്ടിക്കാലത്ത് ഒരിക്കലും എന്നില്‍ സുരക്ഷിതബോധം ഉണ്ടായിരുന്നില്ല. കൗമാരത്തിലേക്ക് കടക്കുമ്പോള്‍ എനിക്ക് വഴികാട്ടിത്തരാനും അച്ഛനുണ്ടായിരുന്നില്ല. അതേസമയം ഹെഡ്‌ലിയാകട്ടെ എന്റെ വിശ്വാസം പെട്ടെന്ന് നേടിയെടുക്കുകയും ചെയ്തു. ഇക്കാര്യങ്ങളെല്ലാം എന്റെ പുസ്തകത്തില്‍ വിശദമായി പറയുന്നുണ്ട്.
എനിക്ക് മുഹമ്മദ് എന്ന് പേരിടണമെന്നായിരുന്നു മഹേഷ് ഭട്ട് ആഗ്രഹിച്ചിരുന്നത്. എന്നാല്‍ ആംഗ്ലോഇന്ത്യനായ അമ്മ അതിന് സമ്മതിച്ചില്ല. അച്ഛന്‍ ആഗ്രഹിച്ചതുപോലെ മുഹമ്മദ് എന്നുപേരിട്ടിരുന്നെങ്കില്‍ ഹെഡ്‌ലിക്കൊപ്പം ഞാനും ഇന്ന് തീഹാര്‍ ജയിലില്‍ കഴിയേണ്ടിവരുമായിരുന്നു. ജയിലറയില്‍ എന്നെ പൂട്ടിയിട്ടശേഷം അവര്‍ താക്കോല്‍ കടലില്‍ കളയുമായിരുന്നു.
താന്‍ നേരിടുന്ന പ്രശ്‌നങ്ങള്‍ക്ക് അച്ഛനെ കുറ്റപ്പെടുത്തുന്നില്ല. രണ്ടുപേര്‍ക്കും തങ്ങളുടേതായ ലക്ഷ്യങ്ങളുണ്ട്. എനിക്ക് എന്റെ ലക്ഷ്യം നേടാന്‍ കഴിയുന്നില്ലെങ്കില്‍ അത് എന്റെമാത്രം കുറ്റമാണ് - രാഹുല്‍ ഭട്ട് പറഞ്ഞു.
related stories

• ബോളിവുഡിലെ ഒരേയൊരു പുരുഷന്‍ ഹൃതിക്‌: സോനം കപൂര്‍
• സോനത്തിന്‌ ടൈഫോയ്‌ഡ്‌; നഷ്ടം 75 ലക്ഷം

മോഹന്‍ലാല്‍ ചിത്രങ്ങള്‍ 3 ഡിയിലേക്ക്

തിരുവനന്തപുരം: മലയാളത്തിന്റെ സൂപ്പര്‍താരം മോഹന്‍ലാലിന്റെ സൂപ്പര്‍ഹിറ്റ് ചിത്രങ്ങള്‍ 3ഡിയിലേക്ക്. ഇത് സംബന്ധിച്ച അണിയറ പ്രവര്‍ത്തനങ്ങള്‍ ആരംഭിച്ചതായാണ് സൂചന. മലയാളത്തിലെ എക്കാലത്തേയും സൂപ്പര്‍ചിത്രങ്ങളിലൊന്നായ കിലുക്കം, സ്ഫടികം എന്നീ ചിത്രങ്ങളാണ് 3ഡിയിലേക്ക് മാറാന്‍ തയ്യാറെടുക്കുന്നത്. ഇതിനായി ഒരു ടീം മുന്നോട്ടുവന്നുകഴിഞ്ഞു.
ഇരുചിത്രങ്ങളുടേയും നിര്‍മ്മാതാക്കളോും സംവിധായകരോടും ഇത് സംബന്ധിച്ച ചര്‍ച്ച ആരംഭിച്ചിട്ടുണ്ട്. അന്തിമ തീരുമാനം ഉടനുണ്ടാകുമെന്നാണ് സൂചന.
ഇത്തരമൊരു നീക്കം നടക്കുന്നുണ്ടെന്ന് കിലുക്കത്തിന്റെ സംവിധായകനായ പ്രിയദര്‍ശന്‍ സ്ഥിരീകരിച്ചിട്ടുണ്ട്. നിര്‍മ്മാതാവ് മോഹനുമായുള്ള ചര്‍ച്ചകള്‍ നടന്നുവരുകയാണ്. ഇതിനുശേഷമേ അന്തിമ തീരുമാനമുണ്ടാകൂവെന്നാണ് പ്രിയന്‍ സൂചിപ്പിക്കുന്നത്.

related stories

• ബോളിവുഡ്‌ സിനിമയില്‍നിന്ന്‌ മോഹന്‍ലാലിനെ ഒഴിവാക്കി
• പ്രിയന്റെ ഹിന്ദി ചിത്രത്തില്‍ മോഹന്‍ലാലും
• മമ്മൂട്ടി സിമ്പിള്‍; ലാല്‍ അങ്ങനെയല്ല: രഞ്‌ജിത്‌

മനീഷ ആശുപത്രിയില്‍

മുംബൈ: ബോളിവുഡ് താരം മനീഷ കൊയ്‌രാളയെ ആശുപത്രിയില്‍ പ്രവേശിപ്പിച്ചു. മുംബൈയിലെ ജസ്‌ലോക് ആശുപത്രിയില്‍ കഴിഞ്ഞദിവസമാണ് മനീഷയെ പ്രവേശിപ്പിച്ചത്.
ചില പരിശോധനകള്‍ക്കാണ് മനീഷ ആശുപത്രിയില്‍ എത്തിയതെന്നും അവര്‍ സുഖമായിരിക്കുന്നുവെന്നും ആശുപത്രി അധികൃതര്‍ അറിയിച്ചു. 42-കാരിയായ മനീഷയെ അബോധാവസ്ഥയിലായതിനെ തുടര്‍ന്നാണ് ആശുപത്രിയില്‍ പ്രവേശിപ്പിച്ചതെന്നാണ് റിപ്പോര്‍ട്ട്. അതേസമയം, കാന്‍സര്‍ രോഗ ലക്ഷണങ്ങള്‍ ശ്രദ്ധയില്‍പ്പെട്ടെന്നും ഇതിനുള്ള പരിശോധനും ചികിത്സയുമാണ് ആശുപത്രിയില്‍ നല്‍കുന്നതെന്നും റിപ്പോര്‍ട്ടുണ്ട്.
1991-ല്‍ സുധാഗര്‍ എന്ന ചിത്രത്തിലൂടെയാണ് നേപ്പാളിലെ പ്രമുഖമായ കൊയ്‌രാള കുടുംബാംഗമായ മനീഷ വെള്ളിത്തിരയിലെത്തിയത്. വിവാഹത്തെ തുടര്‍ന്ന് സിനിമാ രംഗത്തോട് വിടപറഞ്ഞ മനീഷ അടുത്തിടെ രാംഗോപാല്‍ വര്‍മ്മയുടെ ഭൂത് റിട്ടേണ്‍സ് എന്ന ചിത്രത്തിലൂടെ വീണ്ടും രംഗത്തെത്തിയിരുന്നു.
related stories

• മനീഷ കൊയ്‌രാള വിവാഹിതയാവുന്നു
• മനീഷ കൊയ്‌രാള ധനുഷിന്റെ അമ്മായി അമ്മയാകുന്നു

മെഹ്ദി ഹസന്‍ അന്തരിച്ചു

കറാച്ചി: വിഖ്യാത ഗസല്‍ ഗായകന്‍ മെഹ്ദി ഹസന്‍ (84) അന്തരിച്ചു. പാകിസ്ഥാനിലെ സിന്ധ് പ്രവിശ്യയിലെ ഒരു സ്വകാര്യ ആസ്പത്രിയില്‍ ഇന്ന് ഉച്ചയ്ക്കായിരുന്നു അന്ത്യം. ശ്വാസകോശ സംബന്ധമായ ആസുഖത്തെ തുടര്‍ന്ന് ഇന്നലെയാണ് അദ്ദേഹത്തെ ആസ്പത്രിയില്‍ പ്രവേശിപ്പിച്ചത്. 12 വര്‍ഷത്തോളമായി വിവിധ രോഗപീഡകളാല്‍ വലയുകയായിരുന്നു അദ്ദേഹം
ഗസല്‍ രാജാവായാണ് അദ്ദേഹത്തെ സംഗീതലോകം വിശേഷിപ്പിച്ചിരുന്നത്. 'ആബ് കി ബിചാദെ', 'പട്ട പട്ട ബൂട്ട' തുടങ്ങി അദ്ദേഹം പാടിയ നിത്യഹരിത ഗസലുകള്‍ നിരവധി. 1927 ജൂലായ് 28 ന് രാജസ്ഥാനിലെ ലുണ ഗ്രാമത്തിലെ പുരാതന സംഗീത കുടുംബത്തില്‍ ജനിച്ച മെഹ്ദി ഹസന്‍ കാലാന്തരത്തില്‍ പാകിസ്ഥാനിലേക്ക് കുടിയേറുകയായിരുന്നു. ഇന്ത്യപാക് വിഭജനത്തെ തുടര്‍ന്ന് 20 ാം വയസിലായിരുന്നു പാകിസ്ഥാനിലേക്കുള്ള കുടിയേറ്റം.

ഏറെക്കാലം അഹമ്മദ് റുഷ്ദിയോടൊപ്പം പാക് സിനിമ ലോകവും അദ്ദേഹം അടക്കിഭരിച്ചു. പാകിസ്ഥാന്‍ സര്‍ക്കാര്‍ നിരവധി ബഹുമതികള്‍ നല്‍കി അദ്ദേഹത്തെ ആദരിച്ചു. സൈഗാള്‍ പുരസ്‌കാരം ഉള്‍പ്പടെ ഇന്ത്യയില്‍ നിന്നും നിരവധി അംഗീകാരങ്ങള്‍ അദ്ദേഹത്തെ തേടിയെത്തി.
ഏറ്റവും ഒടുവില്‍ 200 ത്തിലാണ് ഇന്ത്യയില്‍ അദ്ദേഹം കച്ചേരി നടത്തിയത്. പിന്നീട് 2008 ല്‍ ഇന്ത്യയിലേക്ക് യാത്ര ആലോചിച്ചെങ്കിലും മുംബൈ ആക്രമണത്തെ തുടര്‍ന്ന് യാത്ര റദ്ദാക്കി. അതിന് ശേഷം 2010 ല്‍ ചികിത്സയ്ക്കായി ഇന്ത്യയിലേക്ക് വരാന്‍ ആഗ്രഹം പ്രകടിപ്പിച്ചു. ഒപ്പം ആ യാത്രയില്‍ ലതാ മങ്കേഷ്‌കര്‍, ദിലീപ് കുമാര്‍, അമിതാഭ് ബച്ചന്‍ തുടങ്ങിയവരെ കാണണമെന്ന ആഗ്രഹം അദ്ദേഹം പ്രകടിപ്പിച്ചു. പക്ഷേ അതും നടന്നില്ല.
related stories

• പണ്ഡിറ്റ്‌ ഭീംസെന്‍ ജോഷി അന്തരിച്ചു
• കുട്ടികള്‍ 20; ഇനിയും പ്രസവിക്കണം 26 പ്രാവശ്യം
• പ്രിന്‍സിപ്പലിനെ കൊല്ലുന്ന അധ്യാപിക ആര്‌? ചോദ്യം പരീക്ഷയ്‌ക്ക്‌ 

സ്വര്‍ണം വീണ്ടും റെക്കോഡ് വിലയില്‍

കൊച്ചി: സ്വര്‍ണം വീണ്ടും റെക്കോഡ് വിലയില്‍. പവന് 40 രൂപ കൂടി 22,120 രൂപയായി. ഗ്രാമിന് അഞ്ച് രൂപ കൂടി 2,765 രൂപയായി. ഇന്നലെ പവന് 120 രൂപ വര്‍ധിച്ച് 22,080 രൂപയായിരുന്നു. കഴിഞ്ഞ ആറുദിവസമായി സ്വര്‍ണ വില കയറ്റത്തിന്റെ പാതയിലാണ്. അതേസമയം ആഗോള വിപണിയില്‍ സ്വര്‍ണത്തിന് വിലകുറഞ്ഞു. ട്രോയ് ഔണ്‍സിന് 3.46 ഡോളര്‍ കുറഞ്ഞ് 1609.24 ഡോളറാണ് ഇന്നത്തെ വില.

വിവാഹം അടുത്തവര്‍ഷം: ചിമ്പു

ചെന്നൈ: തന്റെ വിവാഹം അടുത്തവര്‍ഷം ഉണ്ടാകുമെന്ന് തമിഴകത്തിന്റെ യുവനടന്‍ ചിമ്പു. കഴിഞ്ഞ നാല് വര്‍ഷമായി വിവാഹം സംബന്ധിച്ച ചോദ്യങ്ങളോട് മുഖം തിരിക്കുകയായിരുന്നു ചിമ്പു.
ഇത്തവണ ആരും ചോദിക്കാതെ തന്നെയാണ് തന്റെ വിവാഹത്തെക്കുറിച്ച് ചിമ്പു പറഞ്ഞത്.
അതേസമയം വിവാഹം കഴിക്കാനുള്ള പെണ്‍കുട്ടിയെ ഇതുവരെ കണ്ടെത്തിയിട്ടില്ലെന്നും ചിമ്പു പറഞ്ഞു. തന്റേത് പ്രണയവിവാഹമായിരിക്കില്ല. വെറും ഒരുവര്‍ഷംകൊണ്ട് പ്രണയത്തിലേക്ക് താന്‍ വഴുതിവീഴുമെന്ന് തോന്നുന്നില്ല. അതുകൊണ്ട് തീര്‍ച്ചയായും വിവാഹം പ്രണയത്തിലൂടെയാവില്ല.
ഒരുവര്‍ഷത്തിനകം പെണ്‍കുട്ടിയെ കണ്ടെത്താന്‍ തനിക്ക് കഴിഞ്ഞില്ലെങ്കില്‍ അമ്മ ഉഷാ രാജേന്ദ്രന്‍ ചുണ്ടിക്കാട്ടുന്ന പെണ്‍കുട്ടിയെ താന്‍ വിവാഹം കഴിക്കുമെന്നും ചിമ്പു പറഞ്ഞു.
related stories

• ചിമ്പുവുമായി പ്രണയമില്ല: തൃഷ
• എന്റെ വിവാഹം ഈ വര്‍ഷം അവസാനത്തോടെ: കരീന കപൂര്‍
• നയന്‍സ്-പ്രഭുദേവ വിവാഹം വേണ്ടെന്നുവച്ചു 

ധോണിയുടെ ഗ്ലൗസ് അക്ഷയ് കുമാറിന്

ധാക്ക: ഇന്ത്യന്‍ ക്രിക്കറ്റ് ടീം നായകന്‍ മഹേന്ദ്രസിംഗ് ധോണിയുടെ ഗ്ലൗസുകള്‍ അക്ഷയ്കുമാറിന്. ഏഷ്യാകപ്പിലെ അവസാന ലീഗ് മത്സരത്തില്‍ ഇന്ത്യന്‍ ക്യാപ്ടന്‍ കീപ്പിംഗിനായി കയ്യിലണിഞ്ഞ ഗ്ലൗസാണ് അക്ഷയ്കുമാറി അദ്ദേഹം സമ്മാനിച്ചത്. പാകിസ്ഥാനെതിരായ മത്സരത്തില്‍ വന്‍ വിജയം നേടിയതിന് പിന്നാലെയായിരുന്നു ഇന്ത്യന്‍ ക്യാപ്ടന്‍ തന്റെ ഗ്ലൗസ് ബോളിവുഡ് ക്രിക്കറ്റ് ടീം നായകന്‍ അക്ഷയ്കുമാറിന് നല്‍കിയത്.
ക്രിക്കറ്റ് ആരാധകനായ അക്ഷയ്കുമാറിന്റെ ഇഷ്ടതാരം ധോണിയാണ്. ഇന്ത്യന്‍ ക്രിക്കറ്റ് ടീമിന്റെ ഉയര്‍ച്ചയ്ക്ക് കാരണക്കാരനായ ധോണി ഇനിയും നീണ്ടകാലം നായകസ്ഥാനത്തു ഉണ്ടാകണമെന്ന് ആഗ്രഹിക്കുന്ന വ്യക്തിയുമാണ് അക്ഷയ് കുമാര്‍. ഇതിന് മുമ്പ് ഇരുവരും നേരില്‍ കണ്ടിട്ടില്ല. ധാക്കയില്‍ പാകിസ്ഥാനെതിരായ മത്സര ശേഷമായിരുന്നു ധോണിയെകാണാന്‍ അക്ഷയ്ക്ക് അവസരം ലഭിച്ചത്.
മാന്‍ ഓഫ് ദ മാച്ച് അവാര്‍ഡ് വിരാട് കോലിക്ക് നല്‍കിയശേഷം അക്ഷയ് തന്നെയാണ് താന്‍ ധോണിയുടെ വലിയ ആരാധകനാണ് എന്ന് പരസ്യമായി പറഞ്ഞത്. അന്ന് രാത്രിതന്നെ വീണ്ടും കണ്ടപ്പോള്‍ ധോണി തന്റെ ഗ്ലൗസ് ആരാധകന് നല്‍കുകയായിരുന്നു.
related stories

• ഐശ്വര്യ സുന്ദരിയായ സ്‌ത്രീ: അക്ഷയ്‌ കുമാര്‍
• അക്ഷയ്‌ കുമാര്‍ ഹോളിവുഡ്‌ ചിത്രം നിര്‍മിക്കുന്നു
• അക്ഷയ്‌ കുമാറിനെ അസിനും കൈയൊഴിഞ്ഞു

കേരള ബജറ്റ് ഒറ്റനോട്ടത്തില്‍

• പെന്‍ഷന്‍ പ്രായം 56 ആക്കി
• സഹകരണ മേഖലയ്ക്കു 62 കോടി വകയിരുത്തി
• വല്ലാര്‍ പാടം അനുബന്ധ പദ്ധതിക്ക് 220 കോടി രൂപ
• കൊച്ചി മെട്രോ നിര്‍മാണം അടുത്തവര്‍ഷം തുടങ്ങും
• കൊച്ചി മെട്രോ റയില്‍ പദ്ധതിക്ക് 150 കോടി
• റവന്യുകമ്മി 1.8 ശതമാനമായി ചുരുക്കാനാവും
• സമ്പദ്ഘടനയെ വികസനത്തിന്റെ പാതയിലെത്തിച്ചു
• റവന്യു വരുമാനം 19 ശതമാനം വര്‍ധിച്ചു
• പദ്ധതിയേതര ചെലവ് 30 ശതമാനം വര്‍ധിച്ചു
• കെഎസ്ആര്‍ടിസിക്ക് പുനര്‍ജീവന പദ്ധതി
• കയര്‍മേഖലയ്ക്ക് 100 കോടി
• ഭൂരഹിതര്‍ക്ക് ഭൂമി ഏറ്റെടുക്കുന്നതിന് 300 കോടി
• പത്രപ്രവര്‍ത്തകരുടെ പെന്‍ഷന്‍ 4500 രൂപയാക്കി
• മുല്ലപ്പെരിയാറില്‍ പുതിയ അണക്കെട്ടിന് 50 കോടി
• കുട്ടനാട് പാക്കേജ് നടത്തിപ്പിന് 165 കോടി
• പൂക്കോട് വെറ്റിനറി സര്‍വകലാശാലയ്ക്ക് 40 കോടി
• ജൈവകൃഷി പ്രോത്സാഹനത്തിനു 10 കോടി
• കാര്‍ഷിക മേഖലയ്ക്ക് 100 കോടി
• ശബരിമല വികസനത്തിന് 25 കോടി
• കരമന-കളിയിക്കാവിള പാത നാലുവരിയാക്കും
• കെഎസ്ആര്‍ടിസിക്ക് 125 കോടി                 more...

പെന്‍ഷന്‍ പ്രായം 56 വയസാക്കി

തിരുവനന്തപുരം: സര്‍ക്കാര്‍ ജീവനക്കാരുടെ പെന്‍ഷന്‍ പ്രായം 56 ആക്കി ഉയര്‍ത്തിയതായി ധനമന്ത്രി പ്രഖ്യാപിച്ചു. ജീവനക്കാരുടെ വിരമിക്കല്‍ ഏകീകരണം പിന്‍വലിച്ചതായും നിയമസഭയില്‍ ബജറ്റ് പ്രസംഗത്തിനിടെ ധനമന്ത്രി അറിയിച്ചു.
കാര്‍ഷിക മേഖലയ്ക്ക് പുത്തന്‍ ഉണര്‍വ് നല്‍കാന്‍ പദ്ധതി ആവിഷ്‌കരിക്കുമെന്ന് ധനമന്ത്രി പ്രഖ്യാപിച്ചു. ഹൈടെക് കൃഷി രീതി വ്യാപകമാക്കുമെന്ന പ്രഖ്യാപനവും ബജറ്റിലൂടെ ധനമന്ത്രി നടത്തി. സര്‍ക്കാറിന്റെ നെല്ലുസംഭരണം പാളിയത് മൂലം കുട്ടനാട്ടില്‍ 5 ലക്ഷം ക്വിന്റല്‍ നെല്ല് കെട്ടിക്കിടക്കുന്ന സാഹചര്യത്തിലാണ് ധനമന്ത്രിയുടെ പ്രഖ്യാപനം.
മൂന്ന് നാളികേര ബയോപാര്‍ക്ക് സ്ഥാപിക്കും. ഇതിന് 15 കോടി നീക്കിവെക്കും. ശമ്പളപെന്‍ഷന്‍ ചെലവുകള്‍ ക്രമാതീതമായി ഉയരുന്നതായി ബജറ്റ് വിലയിരുത്തി. 20,539 കോടിയാണ് ശമ്പളത്തിനും പെന്‍ഷനും ചെലവഴിക്കുന്നത്. റവന്യൂ വരുമാനത്തില്‍ 19% വര്‍ദ്ധനവുണ്ടായി. റവന്യൂ കമ്മി 1.8%മായി കുറയ്‌ക്കേണ്ടതുണ്ട്. പദ്ധതിയിതര ചെലവ് 30% ഉയര്‍ന്നു. ആഗോള പ്രതിസന്ധി നേരിടാന്‍ സംസ്ഥാനത്തിന് കഴിഞ്ഞു.
കൊച്ചിമെട്രോയ്ക്ക് 150 കോടിയും തിരുവനന്തപുരംകാസര്‍കോട് അതിവേഗ പാതയ്ക്ക് 50 കോടിയും അനുവദിച്ചു. കോഴിക്കോട് മോണോ റെയിലിന് 20 കോടിയും വിഴിഞ്ഞം തുറമുഖ വികസനത്തിന് 224 കോടിയും വകയിരുത്തി. മാലിന്യപ്രശ്‌നം പരിഹരിക്കാന്‍ ഉറവിട മാലിന്യപദ്ധതി നടപ്പാക്കും. ഇതിനായി 100 കോടി നീക്കിവെയ്ക്കും. കോട്ടയ്ക്കലില്‍ ആയുര്‍വേദ സര്‍വകലാശാല സ്ഥാപിക്കും. ഇതിനായി 1 കോടി നീക്കിവെയ്ക്കും. ഇടുക്കിയിലും വയനാട്ടലും വിമാനത്താവള സാധ്യതാപഠനം നടത്തും. ഇതിനായി 50 ലക്ഷം നീക്കിവെക്കും. പത്രപ്രവര്‍ത്തക പെന്‍ഷന്‍ 4500 രൂപയാക്കി വര്‍ധിപ്പിച്ചു. വികലാംവാര്‍ദ്ധക്യ പെന്‍ഷന്‍ കൂട്ടി. കണ്ണൂര്‍ വിമാനത്താവളത്തിന് 50 കോടി അനുവദിക്കും.
related stories

• കള്ളപ്പണത്തിനെതിരെ ധവളപത്രം
• 12 ദിവസം; തരൂരിന്‌ കിട്ടിയത്‌ 13.5 ലക്ഷം രൂപ
• സംസ്ഥാനത്തിന്‌ സമ്പൂര്‍ണ വികസന ബജറ്റ്‌

യുവരാജ് സിംഗ് ആശുപത്രി വിട്ടു

ന്യൂഡല്‍ഹി: അമേരിക്കയില്‍ അര്‍ബുദ രോഗ ചികിത്സയിലായിരുന്ന ക്രിക്കറ്റ് താരം യുവരാജ് സിംഗ് ഞായറാഴ്ച ആശുപത്രി വിട്ടു. കീമോ തെറാപ്പി പൂര്‍ത്തിയായതിനെ തുടര്‍ന്ന് ആശുപത്രി വിട്ടതായി യുവിതന്നെയാണ് ട്വിറ്ററിലൂടെയാണ് അറിയിച്ചത്. ആശുപത്രി വിടുംമുമ്പുള്ള ചിത്രവും ഒപ്പം പോസ്റ്റ് ചെയ്തിട്ടുണ്ട്.
വീട്ടില്‍ തിരിച്ചെത്താന്‍ ധൃതിയാവുന്നു. അതിനായി ഇനിയും കാത്തിരിക്കാനാവില്ലെന്നും യുവി ട്വിറ്ററില്‍ കുറിച്ചിട്ടുണ്ട്. മൂന്നാംഘട്ട കീമോയും കഴിഞ്ഞ് ആശുപത്രിയില്‍ നിന്ന് മടങ്ങി. ഇപ്പോള്‍ ഞാന്‍ സ്വതന്ത്രനാണ്. സുഖപ്പെടലിന്റെ നാളുകള്‍ ആരംഭിച്ചിരിക്കുന്ന എന്നും യുവി പറയുന്നു.
തനിക്ക് വേണ്ടി പ്രാര്‍ഥിച്ച എല്ലാവര്‍ക്കും നന്ദി പറയുന്ന യുവി പ്രാര്‍ഥനകളും ഡോക്ടര്‍മാരുടെ സേവനത്തിനൊപ്പം പ്രവര്‍ത്തിച്ചു എന്നും പറയുന്നു. സച്ചിന്‍ സമാനതകളില്ലാത്ത നേട്ടമാണ് സ്വന്തമാക്കിയത്. സച്ചിന്‍ തന്റെ കാലഘട്ടത്തിന്റെ നായകനാണെന്നും അദ്ദേഹം നൂറാം സെഞ്ച്വറി നേടിയതിനെ അഭിനന്ദിച്ചുകൊണ്ട് യുവി പറയുന്നു.
ശ്വാസകോശത്തിലെ അര്‍ബുദബാധയെ തുടര്‍ന്ന് ജനുവരി 26 ന് ആണ് ചികിത്സക്കായി യുവി യുഎസില്‍ എത്തിയത്. ബോസ്റ്റണിലെ ക്യാന്‍സര്‍ റിസര്‍ച്ച് ഇന്‍സ്റ്റിറ്റിയൂട്ടിലായിരുന്നു പ്രവേശിപ്പിച്ചിരുന്നത്.
RELATED STORIES

• ധോണി ഒഴിയുന്നു; ഇനി സെവാഗ് നായകന്‍
• ശ്രീകാന്ത്‌ രാജിസന്നദ്ധത അറിയിച്ചു
• സച്ചിന്‍ ലോകത്തെ മികച്ച ബാറ്റ്‌സ്‌മാന്‍: ലാറ 

എന്റെ വിവാഹം ഈ വര്‍ഷം അവസാനത്തോടെ: കരീന കപൂര്‍

മുംബൈ: തന്റെ വിവാഹം ഈ വര്‍ഷം അവസാനത്തോടെ മാത്രമേ ഉണ്ടാകൂവെന്ന് ബോളിവുഡ് താരസുന്ദരി കരീന കപൂര്‍. തനിക്കും സെയ്ഫ് അലിഖാനും ഇക്കാര്യത്തില്‍ തിടുക്കമൊന്നുമില്ലെന്നും കരീന പറഞ്ഞു.
സെയ്ഫ് അലിഖാന്‍ നായകനായ ഏജന്റ് വിനോദ് റിലീസ് ചെയ്തശേഷം ഇരുവരും വിവാഹിതരാകുമെന്ന് നേരത്തേ റിപ്പോര്‍ട്ടുകളുണ്ടായിരുന്നു. ഈ വാര്‍ത്ത  കരീന നിഷേധിച്ചു. എന്തായാലും ഉടന്‍ വിവാഹമില്ല. മധുര്‍ ഭണ്ഡാകറിന്റെ 'ഹീറോയിന്‍' എന്ന ചിത്രത്തിന്റെ ഷുട്ടിംഗുമായി താന്‍ തിരക്കിലാണ്. അതുകൊണ്ടുതന്നെ ഇപ്പോള്‍ വിവാഹത്തിന് സമയമില്ല. അതേസമയം ഈ വര്‍ഷം അവസാനത്തോടെ തങ്ങളുടെ വിവാഹം ഉണ്ടാകുമെന്നും  കരീന ആവര്‍ത്തിച്ചു.
31 കാരിയായ  കരീന 2007 ലാണ് സെയ്ഫ് അലിഖാനുമായി പ്രണയത്തിലാവുന്നത്. അതിനുശേഷം ഇരുവരും വിവാഹിതരാവുന്നതും കാത്തിരിക്കുകയാണ് ആരാധകര്‍.
RELATEDSTORIES

• കരീനയുടെ ഇ-മെയില്‍ വിലാസം ഹാക്ക്‌ ചെയ്യപ്പെട്ടു
• മന്ദാകിനിയാകാന്‍ കരീന
• അക്ഷയോട്‌ വിരോധമില്ലെന്ന്‌ മുന്‍കാമുകിമാര്‍ 

കള്ളപ്പണത്തിനെതിരെ ധവളപത്രം

കേന്ദ്രബജറ്റിലെ പ്രസക്ത ഭാഗം

* ആഗോള സാമ്പത്തിക പ്രതിസന്ധി ഇന്ത്യയെ ബാധിച്ചു

* വ്യാവസായിക വളര്‍ച്ച കുറഞ്ഞു

* പണപ്പെരുപ്പം അല്‍പ്പം കൂടും; ശേഷം സ്ഥിരത കൈവരിക്കും

* കള്ളപ്പണത്തിനെതിരെ ധവളപത്രം പുറത്തിറക്കും

* 2012 സാമ്പത്തിക വര്‍ഷത്തില്‍ 7.6 ശതമാനം വളര്‍ച്ച

* ഭക്ഷ്യ സുരക്ഷാ ബില്‍ ഉടന്‍ നടപ്പാക്കും

* എല്ലാ നികുതികള്‍ക്കും പാന്‍കാര്‍ഡ് നിര്‍ബന്ധമാക്കും

* ചില്ലറ വില്‍പ്പന മേഖലയില്‍ ചെറുകിട സംരംഭകര്‍ക്ക് നികുതിയിളവ്

* ഓഹരി വിറ്റഴിക്കലിലൂടെ 30,000 കോടി സമാഹരിക്കും

* 10 ലക്ഷം രൂപ വരെ ഓഹരി വിപണിയില്‍ നിക്ഷേപിച്ചാല്‍ 50 ശതമാനം വരെ നികുതിയിളവ്

* വ്യോമയാന മേഖലയ്ക്ക് പ്രത്യേക പദ്ധതി

* വ്യോമയാന ഇന്ധനം നേരിട്ട് ഇറക്കുമതി ചെയ്യാന്‍ കമ്പനികള്‍ക്ക് അനുമതി

* വ്യോമയാന മേഖലയില്‍ 49 ശതമാനം വിദേശ നിക്ഷേപം അനുവദിക്കും

* വ്യോമയാന മേഖലയില്‍ 100 കോടി ഡോളര്‍ പ്രവര്‍ത്തന മൂലധനം

* രണ്ടു ലക്ഷം രൂപ വരെ വാര്‍ഷിക വരുമാനമുള്ളവര്‍ക്ക് ആദായ നികുതിയിളവ്

* രണ്ടു ലക്ഷം മുതല്‍ അഞ്ചുലക്ഷം വരെ പത്ത് ശതമാനവും അഞ്ച് ലക്ഷം മുതല്‍ പത്തുലക്ഷം വരെ 20 ശതമാനവും 30 ലക്ഷത്തിനു മുകളിലുള്ളവര്‍ക്ക് 30 ശതമാനവും നികുതി

* ചില്ലറവ്യാപാര മേഖലയിലെ നിക്ഷേപകര്‍ക്കായി രാജീവ് ഗാന്ധി ഇക്വുറ്റി സ്‌കീം നടപ്പാക്കും

* കേരള കാര്‍ഷിക സര്‍വകലാശാലയ്ക്ക് 100 കോടി

* കാര്‍ഷിക വായ്പയ്ക്ക് 52,5000 കോടി അനുവദിക്കും

* കാര്‍ഷിക വായ്പാ ലക്!ഷ്യം 575000 കോടിയായി ഉയര്‍ത്തി

* വായ്പാ തിരിച്ചടവിന് കര്‍ഷകര്‍ക്ക് കൂടുതല്‍ സമയം അനുവദിക്കും         more

രജനി പാടുന്നു; 20 വര്‍ഷത്തിനുശേഷം

ചെന്നൈ: തമിഴകത്തിന്റെ സ്വന്തം സൂപ്പര്‍താരം രജനീകാന്ത് വീണ്ടും സിനിമയില്‍ ഗാനമാലപിക്കുന്നു. 20 വര്‍ഷത്തിനുശേഷം സിനിമയ്ക്കായി രജനി വീണ്ടും ആലപിക്കുന്ന ഗാനം സൂപ്പര്‍ഹിറ്റാവുമെന്നാണ് അണിയറ പ്രവര്‍ത്തകരുടെ പ്രതീക്ഷ.
പുതിയ ചിത്രമായ കൊച്ചടിയനിലാണ് രജനി പാടുന്നത്. കഴിഞ്ഞ 11 ന് ഗാനത്തിന്റെ റെക്കോഡിംഗ് പൂര്‍ത്തിയായി. വൈരമുത്തുവിന്റെ വരികള്‍ക്ക് ഓസ്‌കാര്‍ അവാര്‍ഡ് ജേതാവ് എ ആര്‍ റഹ്മാനാണ് ഈണം പകര്‍ന്നത്. രജനി മികച്ചരീതിയില്‍ പാടിയിട്ടുണ്ടെന്നാണ് അണിയറ പ്രവര്‍ത്തകര്‍ പറയുന്നത്.
ഇതിനുമുമ്പ് രജനി സിനിമയില്‍ പാടുന്നത് 1992 ല്‍ പുറത്തിറങ്ങിയ മന്നന്‍ എന്ന ചിത്രത്തിലായിരുന്നു. കൃത്യം 20 വര്‍ഷം പിന്നിടുമ്പോഴാണ് വീണ്ടും പാട്ടുപടാനായി രജനി റെക്കോഡിംഗ് സ്റ്റുഡിയോയിലെത്തുന്നത്. മരുമകന്‍ ധനുഷ് പാടിയ കൊലവെറി ലോകം കീഴടക്കിയ പ്രചോദനമാണ് രജനിക്ക് വീണ്ടും പാടാന്‍ ധൈര്യമായതെന്നാണ് സൂചന.

RELATED STORIES

• കന്നഡയിലും അഭിനയിക്കും: രജനീകാന്ത്
• രജനീകാന്ത്‌, ഹോളിവുഡില്‍ ഇല്ലാതെപോയ ഹീറോ: മല്ലിക
• രജനീകാന്ത്‌ എന്നെ ചതിച്ചു: ചിരംഞ്‌ജീവി

ധോണി ഒഴിയുന്നു; ഇനി സെവാഗ് നായകന്‍

അഡലൈഡ്: ഇന്ത്യന്‍ ക്രിക്കറ്റ് ടീം നായകസ്ഥാനത്തുനിന്നും മഹേന്ദ്രസിംഗ് ധോണി പടിയിറങ്ങുന്നു. ടെസ്റ്റ് ടീമിന്റെ നായകസ്ഥാനമാണ് ധോണിയില്‍നിന്നും മാറ്റപ്പെടുന്നത്. ഇംഗ്ലണ്ട്, ഓസ്‌ട്രേലിയ പര്യടനങ്ങളില്‍ ഇന്ത്യന്‍ ടീമിനുണ്ടായ നാണംകെട്ട പരാജയമാണ് ധോണിക്ക് തിരിച്ചടിയായത്. അഡലൈഡ് ടെസ്റ്റില്‍ ഇന്ത്യയെ നയിച്ച വീരേന്ദര്‍ സേവാഗായിരിക്കും പുതിയ ടെസ്റ്റ് ക്യാപ്ടനെന്നാണ് സൂചന.
അതേസമയം കുറഞ്ഞ ഓവറുകളുടെ കളിയായ ഏകദിനം, ടി20 എന്നിവയില്‍ ധോണിതന്നെയായിരിക്കും ഇന്ത്യയെ നയിക്കുക. ഇക്കാര്യം ധോണിയുമായി ബി സി സി ഐ അധികൃതര്‍ സംസാരിച്ചുകഴിഞ്ഞുവെന്നാണ് സൂചന.
ടീമിലെ മുതിര്‍ന്ന താരങ്ങള്‍ക്ക് ധോണിയുമായി യോജിച്ചുപോകാന്‍ കഴിയുന്നില്ലെന്നതാണ് ഇപ്പോഴത്തെ പ്രശ്‌നം. സച്ചിന്‍, ദ്രാവിഡ്, ലക്ഷ്മണ്‍ എന്നിവര്‍ക്ക് ധോണിയുടെ തീരുമാനങ്ങളില്‍ എതിര്‍പ്പുണ്ട്. ധോണി കാര്യങ്ങള്‍ കൈകാര്യം ചെയ്യുന്ന രീതിയോടാണ് ഇവര്‍ക്ക് എതിര്‍പ്പ്. സേവാഗ് ആകട്ടെ തന്റെ എതിര്‍പ്പ് ഓസിസ് പര്യടനത്തിനിടെ തുറന്നുപറഞ്ഞുകഴിഞ്ഞു. പ്ലേയിംഗ് ഇലവനെ തിരഞ്ഞെടുക്കല്‍ മുതല്‍ ഫീല്‍ഡ് സെറ്റിംഗില്‍വരെ സ്വയം നിശ്ചയിക്കുന്ന ധോണി മറ്റുള്ളവരുടെ അഭിപ്രായം കേള്‍ക്കാന്‍ പോലും തയ്യാറാകുന്നില്ലെന്നാണ് സെവാഗ് പറഞ്ഞത്. ധോണിയുടെ തീരുമാനങ്ങള്‍ തെറ്റായിരുന്നുവെന്ന് മത്സരഫലങ്ങള്‍ തെളിയിക്കുകയും ചെയ്തു.
ടെസ്റ്റ് ക്രിക്കറ്റില്‍നിന്നും 2013 ഓടെ വിരമിക്കുമെന്ന ധോണിയുടെ പ്രഖ്യാപനം ബി സി സി ഐ അധികൃതരുടെ വിമര്‍ശനത്തിന് വഴിവച്ചിട്ടുണ്ട്. 2012 തുടക്കത്തില്‍ ഇങ്ങനെയൊരു പ്രഖ്യാപനം ധോണി നടത്തിയത് എന്തിനാണെന്നാണ് അവര്‍ ചോദിക്കുന്നത്. ഒരു പരമ്പര നടന്നുകൊണ്ടിരിക്കുമ്പോള്‍ ഒരിക്കലും ഇത്തരമൊരു പ്രഖ്യാപനം ധോണി നടത്തരുതായിരുന്നുവെന്നും അവര്‍ പറയുന്നു.
RELATED STORIES

• ശ്രീകാന്ത്‌ രാജിസന്നദ്ധത അറിയിച്ചു 
• എല്ലാം തെറ്റിച്ചത്‌ പരിക്ക്‌: ധോണി
• ഇന്ത്യയുടെ സാധ്യത സഹീര്‍ ഇല്ലാതാക്കി: കപില്‍

നയന്‍സ്-പ്രഭുദേവ വിവാഹം വേണ്ടെന്നുവച്ചു

ചെന്നൈ: തെന്നിന്ത്യന്‍ താര സുന്ദരി നയന്‍താരയും പ്രഭുദേവയുമായുള്ള വിവാഹം ഉപേക്ഷിച്ചതായി റിപ്പോര്‍ട്ട്. ഇരുവരും ഒരുമിച്ചുള്ള വിവാഹ ജീവിതം ആവശ്യമില്ലെന്ന് രണ്ടുപേരും ഒരുമിച്ച് തീരുമാനിച്ചതായാണ് റിപ്പോര്‍ട്ട്. ഇരുവരുടെയും കുടുംബ സുഹൃത്തുക്കള്‍ റിപ്പോര്‍ട്ട് ശരിവച്ചിട്ടുണ്ട്.
മൂന്നര വര്‍ഷം നീണ്ട പ്രണയത്തിനാണ് ഇതോടെ ഇരുവരും തിരശീലയിടുന്നത്. നയന്‍സ് തെന്നിന്ത്യന്‍ നായികമാരില്‍ മുന്‍പന്തിയില്‍ നില്‍ക്കുമ്പോഴാണ് ഇരുവരും വിവാഹത്തിന് തീരുമാനിച്ചത്. ഇതിന്റെ ഭാഗമായാണ് നയന്‍സ് അഭിനയം മതിയാക്കുകയും പ്രഭുദേവ ആദ്യഭാര്യയായ റംലത്തില്‍നിന്നും വിവാഹമോചനം നേടുകയും ചെയ്തത്.
ഏതായാലും കുറച്ചുനാളുകളായി ഇവര്‍ നല്ല ബന്ധത്തിലായിരുന്നില്ലെന്നാണ് വാര്‍ത്തകള്‍. വിവാഹമോചനം നേടിയെങ്കിലും റംലത്തുമായും കുട്ടികളുമായും പ്രഭുദേവ നല്ല ബന്ധം തുടരുന്നുണ്ട്. അഭിനയജീവിതത്തിന് തിരശീലയിട്ട നയന്‍സാവട്ടെ ഒരു തിരിച്ചുവരവിനുള്ള ശ്രമത്തിലുമാണ്. ഇക്കാര്യം നയന്‍സ് തന്നെ പ്രഖ്യാപിച്ചിടുമുണ്ട്.
RELATED STORIES

• നയന്‍താര വീണ്ടും എത്തുന്നു; ഐറ്റം ഡാന്‍സുമായി 
• നയന്‍സ്‌ മതംമാറി; ഇനി നയന്‍താര
• പ്രഭുദേവ-നയന്‍താര വിവാഹം മുംബൈയില്‍!

ശ്വേതാ മേനോന്‍ വിവാഹിതയാവുന്നു

തിരുവനന്തപുരം: നടി ശ്വേതാ മോഹന്‍ വിവാഹിതയാവുന്നു. വള്ളത്തോളിന്റെ ചെറുമകന്‍ ശ്രീവത്സന്‍ മേനോനാണ്‌ വരന്‍. മുംബൈയില്‍നിന്നും പുറത്തിറങ്ങുന്ന ഒരു മാഗസിന്റെ എഡിറ്ററാണ്‌ ശ്രീവത്സന്‍. ഇരും കഴിഞ്ഞ കുറേ നാളുകളായി പ്രണയത്തിലായിരുന്നു.
ഈമാസം 18 ന്‌ വളാഞ്ചേരിയിലാണ്‌ കല്ല്യാണചടങ്ങുകള്‍ നടക്കുക. ശ്വേതയുടെ അമ്മയുടെ തറവാട്‌ വളാഞ്ചേരിയിലാണ്‌. വിവാഹവാര്‍ത്തയോട്‌ ഇരുവരും ഇതുവരെ പ്രതികരിച്ചിട്ടില്ല. ഒരു സ്‌റ്റേജ്‌ ഷോയുമായി ബന്ധപ്പെട്ട്‌ ശ്വേത ഇപ്പോള്‍ അമേരിക്കയിലാണ്‌.
കരിയറിലെ മികച്ച സമയത്തിലാണ്‌ ശ്വേത ഇപ്പോള്‍. പുനര്‍ജനിക്കുന്ന രതിനിര്‍വേദത്തില്‍ രതീ ടീച്ചറായി ശ്വേത മികച്ച അഭിനയമാണ്‌ കാഴ്‌ചവച്ചിട്ടുള്ളത്‌. ഈ സിനിമ ഉടന്‍ പുറത്തിറങ്ങും.

RELATED STORIES

• ശ്വേത ആദ്യം അഭിനന്ദിച്ചു; പിന്നെ കേസും
• രതിയാകാന്‍ കഴിഞ്ഞത്‌ ഭാഗ്യം: ശ്വേത സിനിമ
• പുതിയ രതിനിര്‍വേദം പൂജ കഴിഞ്ഞു

ബോളിവുഡിലെ ഒരേയൊരു പുരുഷന്‍ ഹൃതിക്‌: സോനം കപൂര്‍

മുംബൈ: ബോളിവുഡിലെ യുവനടന്‍മാര്‍ക്കിടയിലെ ഒരേയൊരു പുരുഷന്‍ ഹൃതിക്‌ റോഷനാണെന്ന്‌ സോനം കപൂര്‍. ഇപ്പോഴുള്ള നടന്‍മാരില്‍ ഹൃതികിന്‌ മാത്രമേ പുരുഷന്റെ ലക്ഷണമുള്ളൂ. ബാക്കി എല്ലാവരും കുട്ടികളെപോലെയാണ്‌ പെരുമാറുന്നത്‌. ഹൃതിക്കിന്റെ പ്രേമഭാജനമായി സിനിമയില്‍ അഭിനയിക്കാന്‍ തനിക്ക്‌ താത്‌പര്യമുണ്ടെന്നും സോനം പറഞ്ഞു.
ഷാഹിദിനോട്‌ ഞാന്‍ എപ്പോഴും പറയാറുള്ളത്‌ കുട്ടകളെപ്പോലെയല്ല പുരുഷനെപ്പോലെ വസ്‌ത്രം ധരിക്കുവെന്നാണ്‌. ഖാന്‍ ത്രയത്തില്‍ മൂന്നുപേരും അച്ഛന്റെ സുഹൃത്തുക്കളാണ്‌. ഇതില്‍ സല്‍മാന്‌ ഒപ്പം മാത്രമേ അഭിനയിച്ചിട്ടുള്ളൂ. അത്‌ തികച്ചും നല്ല അനുഭവമായിരുന്നു. തീര്‍ത്തും മാന്യനാണ്‌ സല്‍മാന്‍.
സെറ്റുകളില്‍ ഒരുങ്ങാന്‍ കൂടുതല്‍ സമയം എടുക്കുന്നുവെന്ന ആരോപണത്തില്‍ കഴമ്പില്ല. എനിക്ക്‌ 10 മിനിട്ടേ അതിനാവശ്യമുള്ളൂ. പക്ഷേ അപ്പോഴും ഒരുങ്ങാന്‍പോയ നായകന്‍ തിരിച്ചെത്തിയിട്ടുണ്ടാവില്ല.
ബോളിവുഡില്‍ താരറാണി പദവിക്കായി മറ്റ്‌ നടിമാരോട്‌ മത്സരിക്കാനില്ല. എന്റെ മത്സരം നായകനോട്‌ മത്സരിച്ച്‌ അഭിനയിക്കുന്നതിലാണ്‌. അതിലാണ്‌ മുഴുവന്‍ ശ്രദ്ധയും. സെറ്റിന്‌ പുറത്തുനടക്കുന്ന ഗോസിപ്പുകള്‍ ശ്രദ്ധിക്കാറുമില്ലെന്നും സോനം പറഞ്ഞു. 
related stories

• സോനത്തിന്‌ ടൈഫോയ്‌ഡ്‌; നഷ്ടം 75 ലക്ഷം
• വിവാഹം ബോറന്‍ ഏര്‍പ്പാട്‌: സോനം
• അനില്‍ കപൂറിന്റെ മകള്‍ ഹോളിവുഡിലേക്ക്‌

ഒരു നേരംഭക്ഷണം കഴിക്കുന്നവര്‍ ബി പി എല്ലിന്‌ പുറത്ത്‌

ന്യൂഡല്‍ഹി: ദിവസം ഒരുനേരമെങ്കിലും ഭക്ഷണം കഴിച്ചാല്‍ ബി പി എല്ലിന്‌ പുറത്തായേക്കും. ദാരിദ്ര്യരേഖയ്‌ക്ക്‌ താഴെയുള്ളവര്‍ക്ക്‌ ഒരു ദിവസം പരമാവധി ചെലവഴിക്കാവുന്ന തുക വെറും 32 രൂപ. ഇത്‌ പട്ടണങ്ങളിലുള്ളവരുടെ കാര്യം. ഗ്രാമങ്ങളിലാണെങ്കില്‍ 26 രൂപയായി ഇത്‌ കുറയും. നേരത്തേ ഇത്‌ യഥാക്രമം 20 ഉം 15 ഉം രൂപയായിരുന്നു. കോടതി വിമര്‍ശനത്തെത്തുടര്‍ന്നാണ്‌ തുക പുതുക്കി നിശ്ചയിച്ചത്‌.
പ്ലാനിംഗ്‌ കമ്മിഷന്‍ സുപ്രീംകോടതിയെ അറിയിച്ച വിശദാംശങ്ങളിലാണ്‌ ഇക്കാര്യം പറയുന്നത്‌. പട്ടണങ്ങളിലെ ദരിദ്രന്‍ ഒരുമാസം 965 രൂപയേ ചെലവഴിക്കാവൂ. ഗ്രാമങ്ങളിലെ ബി പി എല്‍ ലിസ്‌റ്റുകാര്‍ 781 രൂപയില്‍ കൂടുതല്‍ ചെലവഴിക്കാന്‍ പാടില്ല. അങ്ങനെ ചെയ്‌താല്‍ അവരും ബി പി എല്‍ ലിസ്‌റ്റില്‍നിന്നും പുറത്താകും. നാലംഗങ്ങളുള്ള ഒരു കുടുംബത്തിന്‌ ഒരുമാസം പരമാവധി ചെലവിടാവുന്ന തുക 3.860 രൂപയായി നിജപ്പെടുത്തിയിട്ടുണ്ട്‌.
ഒരു ഊണിനുതന്നെ 45 രൂപമുതല്‍ മുകളിലോട്ടാണ്‌ ഹോട്ടലുകാര്‍ വാങ്ങുന്നത്‌. പ്ലാനിംഗ്‌ കമ്മിഷന്റെ മാനദണ്ഡങ്ങള്‍ പ്രകാരമാണെങ്കില്‍ ദിവസം ഉച്ചയ്‌ക്കുള്ള ഊണ്‌ മാത്രം കഴിച്ചാലും ദരിദ്രനല്ലാതെയാവും. കേന്ദ്രസര്‍ക്കാരിന്റെ തെറ്റാനയ നയങ്ങള്‍കാരണം വിലക്കയറ്റം വന്‍തോതില്‍ വര്‍ധിക്കുമ്പോഴാണ്‌ ബി പി എല്‍ ലിസ്‌റ്റില്‍നിന്നും വന്‍തോതില്‍ ആളുകളെ പടിക്കുപുറത്താക്കാനുള്ള ഈ നിര്‍ദ്ദേശം വരുന്നത്‌.
യു പി എ ഭരണകാലത്ത്‌ ഇന്ത്യയില്‍ ദാരിദ്ര്യം വന്‍തോതില്‍ കുറഞ്ഞുവെന്ന്‌ വരുത്തിതീര്‍ക്കാനുള്ള കുറുക്കുവഴിയായാണ്‌ പ്ലാനിംഗ്‌ കമ്മിഷന്റെ ഈ നീക്കം ചൂണ്ടിക്കാണിക്കപ്പെടുന്നത്‌. അതേസമയം തെന്‍ഡുല്‍ക്കര്‍ കമ്മിറ്റി റിപ്പോര്‍ട്ടിലെ ശിപാര്‍ശകള്‍ക്കനുസരിച്ചുള്ള മാനദണ്ഡങ്ങള്‍ മാത്രമാണിതെന്ന്‌ പ്ലാനിംഗ്‌ കമ്മിഷന്‍ വാദിക്കുന്നു.
ഒരുമനുഷ്യന്‌ ആരോഗ്യം കാത്ത്‌ സൂക്ഷിക്കാന്‍ ഒരുദിവസം 5.5 രൂപയുടെ ആവശ്യമേയുള്ളൂവെന്നാണ്‌ പ്ലാനിംഗ്‌ കമ്മിഷന്റെ കണ്ടെത്തല്‍. ഒരു ദിവസം പാലിന്‌ 2.33 രൂപ, എണ്ണയ്‌ക്ക്‌ 1.95 രൂപ എന്നിങ്ങനെയുള്ള കണക്കുകളും കമ്മിഷന്‍ പറയുന്നുണ്ട്‌. പഴവര്‍ഗങ്ങള്‍ വാങ്ങാന്‍ 44 പൈസ, പഞ്ചസാരയ്‌ക്ക്‌ 70 പൈസ, ഉപ്പിനും മറ്റ്‌ മസാലക്കൂട്ടുകള്‍ക്കും കൂടി 78 പൈസ എന്നിങ്ങനെയാണ്‌ ഒരുദിവസത്തെ ചെലവിനായി ദരിദ്രര്‍ വിനിയോഗിക്കേണ്ടത്‌. ഇതില്‍ കൂടിയാല്‍ കഷ്ടപ്പാടുതന്നെ.
വാടകവീട്ടില്‍ കഴിയുന്ന ദരിദ്രര്‍ (പട്ടണങ്ങളില്‍) ഒരുമാസം വാടകയായി നല്‍കേണ്ട തുക 49.10 രൂപയില്‍ കൂടാന്‍ പാടില്ലെന്നുമുണ്ട്‌. ചുരുക്കി പറഞ്ഞാല്‍ ഈ നിര്‍ദ്ദേശങ്ങള്‍ നടപ്പിലായിക്കഴിയുമ്പോള്‍ പട്ടണങ്ങളില്‍ ദരിദ്രര്‍ പൂര്‍ണമായും ഇല്ലാതാവും.
ദരിദ്രര്‍ ഒരുദിവസം ഇന്ധനത്തിനായി മാറ്റിവയ്‌ക്കേണ്ടത്‌ 3.75 രൂപയാണ്‌. ഒരുമാസത്തെ കണക്ക്‌ നോക്കിയാല്‍ രണ്ട്‌ലിറ്റര്‍ പെട്രോളിനുപോലും തികയാത്ത കാശ്‌. ആരോഗ്യ സംരക്ഷണത്തിന്‌ ഒരുമാസം ഉപയോഗിക്കേണ്ട തുക 49.10 രൂപയില്‍ കവിയാന്‍ പാടില്ല. വിദ്യാഭാസത്തിന്‌ മാസം 29.60 രൂപ ചെലവിടാം. വസ്‌ത്രത്തിന്‌ 61.30 രൂപവരെ ചെലവിടാം. ഗുണമേന്‍മയില്ലാത്ത അഞ്ച്‌ കര്‍ചീഫിന്‌ തികയാത്ത തുക. ചെരുപ്പിന്‌ 9.6 രൂപയും മറ്റ്‌ ആവശ്യങ്ങള്‍ക്ക്‌ 28.80 രൂപയുംവരെ ചെലവഴിക്കാം.
ഈ മാനദണ്ഡങ്ങള്‍ക്ക്‌ പ്രധാനമന്ത്രിയുടെ ഓഫീസ്‌ അംഗീകരം നല്‍കിക്കഴിഞ്ഞതായും പ്ലാനിംഗ്‌ കമ്മിഷന്‍ സുപ്രീംകോടതിയെ അറിയിച്ചിട്ടുണ്ട്‌. 
related stories

• വിവാഹമോചനം കുറയ്‌ക്കാന്‍ ലൗവ്‌ ലെറ്റര്‍ സര്‍വീസുമായി ചൈന
• പത്മനാഭസ്വാമി ക്ഷേത്രവും വി എസും
• പഞ്ചാബിലെ വിദ്യാലയങ്ങളില്‍ ലതര്‍ ഷൂവിന്‌ നിരോധനം

എന്റെ ശരിയും തെറ്റും ബിജു തീരുമാനിക്കണ്ട: പൃഥ്വിരാജ്‌

ചെന്നൈ: തന്റെ തീരുമാനങ്ങളിലെ ശരിയും തെറ്റും ചൂണ്ടിക്കാട്ടേണ്ടത്‌ സംവിധായകന്‍ കെ ബിജുവല്ലെന്ന്‌ പൃഥ്വിരാജ്‌. ബിജു എഴുതിക്കൊണ്ടുവന്ന ഡോക്ടര്‍ ലൗവിന്റെ തിരക്കഥ പൂര്‍ണമായി ഇഷ്ടപ്പെടാത്തതുകൊണ്ടാണ്‌ ഡേറ്റ്‌ നല്‍കാത്തത്‌. പല സ്ഥലങ്ങളിലും ക്ലാരിറ്റി പോരായിരുന്നതിനാല്‍ തിരക്കഥ തിരുത്തണമെന്ന്‌ ബിജുവിനോട്‌ ആവശ്യപ്പെട്ടിരുന്നതുമാണ്‌.
തിരക്കഥ ശരിയാക്കിയിട്ട്‌ വന്നാല്‍ ഷൂട്ടിംഗ്‌ തുടങ്ങാമെന്ന്‌ ബിജുവിനോട്‌ പറഞ്ഞിരുന്നു. എന്നാല്‍ ബിജു പിന്നെ എന്നെത്തേടി വന്നില്ല. പിന്നീട്‌ മറ്റൊരു നടനെ നായകനാക്കി സിനിമ ചിത്രീകരിക്കുകയും ചെയ്‌തു. ഇതില്‍ ഞാന്‍ എങ്ങനെ കുറ്റക്കാരനാവും. തിരക്കഥ ഇഷ്ടപ്പെട്ടില്ലെന്ന്‌ പറയാനുള്ള സ്വാതന്ത്ര്യം എനിക്കില്ലേ?
ബിജുവിന്‌ രണ്ടുകാര്യങ്ങള്‍ ചെയ്യാമായിരുന്നു. ഈ തിരക്കഥയില്‍ അഭിനയിച്ചാല മതിയെന്ന്‌ തുറന്നുപറയാമായിരുന്നു. അല്ലെങ്കില്‍ തിരക്കഥ തിരുത്തിയിട്ട്‌ വരാമായിരുന്നു. ഇതുരണ്ടും ചെയ്യാതെ അദ്ദേഹത്തിന്റെ വിലപ്പെട്ട നാല്‌ വര്‍ഷം ഞാന്‍ നഷ്ടമാക്കി എന്ന്‌ പറയുന്നതില്‍ എന്തര്‍ത്ഥമാണുള്ളത്‌.
തിരക്കഥയുടെ പേരില്‍ നടന്‍ പിന്‍മാറിയതുമൂലം ഒരു സംവിധായകന്റേയും ഭാവി നശിച്ചിട്ടില്ല. അങ്ങനെ നശിക്കുമായിരുന്നുവെങ്കില്‍ ഇവിടെ എത്ര സംവിധായകരുടെ ഭാവി നശിക്കണം. തിരക്കഥയുടെ പേരില്‍ ഒരു സിനിമയില്‍നിന്നും പിന്‍മാറുന്ന ആദ്യ നടനൊന്നുമല്ല താനെന്നും പൃഥ്വിരാജ്‌ പറഞ്ഞു.
related stories

• പൃഥ്വിരാജ്‌ എന്നെ പറ്റിച്ചു: സംവിധായകന്‍ കെ ബിജു
• കുറ്റം ഏല്‍ക്കുന്നു. എന്നോടു ക്ഷമിക്കൂ: പൃഥ്വിരാജ്‌
• പൃഥിരാജ്‌!!! ഒക്കെ ഗോസിപ്പല്ലേ: സംവൃത