20,000ല്‍ മുകളില്‍. ദേശീയ ഓഹരി സൂചിക നിഫ്‌റ്റി ആറായിരം മറികടന്നു. 2008 ജനുവരി 17 നു ശേഷമുള്ള ഏറ്റവും ഉയര്‍ന്ന നിലവാരമാണിത്‌. 135.42 പോയിന്റ്‌ ഉയര്‍ന്ന സെന്‍സെക്‌സ്‌ 20,041.25 പോയിന്റിലാണ്‌ ഇപ്പോള്‍ വ്യാപാരം നടത്തുന്നത്‌. 36.40 പേയിന്റ്‌ ഉയര്‍ച്ചയിലൂടെ 6,016.85 പോയിന്റിലാണ്‌ നിഫ്‌ടി.
വിദേശ ധനകാര്യ സ്ഥാപനങ്ങളുടെ വന്‍ നിക്ഷേപമാണ്‌ ഓഹരി വിപണിയിലെ ഈ കുതിപ്പിനു കാരണം. വിദേശ സ്ഥാപനങ്ങളുടെ നിക്ഷേപം (എഫ്‌ഐഐ) ഈ മാസം 17 വരെ 71,000 കോടി രൂപ (1560 കോടി ഡോളര്‍) യാണ്‌. കഴിഞ്ഞ വര്‍ഷം ഇത്‌ 83,400 കോടി രൂപയുടെ നിക്ഷേപം ലഭിച്ചിരുന്നു. ഈ മാസം ആദ്യ രണ്ടാഴ്‌ചയില്‍ മാത്രം 12,442 കോടി രൂപയാണ്‌ ഓഹരിവിപണിയിലെ വിദേശ നിക്ഷേപം.
സെന്‍സെക്‌സ്‌ അതിന്റെ പാരമ്യം കണ്ടത്‌ 2008 ജനുവരി 17 ന്‌ ആയിരുന്നു; 21,206 പോയിന്റ്‌. ഈ നിലതുടര്‍ന്നാല്‍ 21,000 പോയിന്റില്‍ എത്താന്‍ സെന്‍സെക്‌സിന്‌ അധികസമയം വേണ്ടിവരില്ലെന്നാണ്‌ സൂചനകള്‍.
