90 വര്‍ഷത്തേക്കാണ്‌ സിംഗൂരിലെ ഭൂമി പശ്ചിമ ബംഗാള്‍ വല്‍വസായ വികസന കോര്‍പറേഷനില്‍നിന്നും ടാറ്റാ പാട്ടത്തിനെടുത്തത്‌. കരാര്‍ പ്രകാരം ആദ്യ അഞ്ചുവര്‍ഷം ഒരു കോടി രൂപ പാട്ടത്തുക നല്‍കി കരാര്‍ പുതുക്കണം. ഇത്‌ പ്രകാരമാണ്‌ മൂന്നാംവര്‍ഷത്തെ ഗഡുവായ ഒരുകോടിരൂപ ടാറ്റാ പശ്ചിമ ബംഗാള്‍ സര്‍ക്കാരിലേക്ക്‌ അടച്ചത്‌.
നിലവില്‍ യാതൊരു നിര്‍മാണ പ്രവൃത്തികളും നടക്കാത്ത ഈ ഭൂമി ടാറ്റായില്‍നിന്നും തിരിച്ചെടുക്കുന്ന കാര്യം ആലോചിക്കുമെന്ന്‌ ചീഫ്‌ സെക്രട്ടറി അശോക്‌ മോഹന്‍ ചക്രവര്‍ത്തി കഴിഞ്ഞദിവസം അറിയിച്ചിരുന്നു. ഇതിന്‌ തൊട്ടുപിറകേയാണ്‌ പാട്ടത്തുക അടച്ച്‌ ടാറ്റാ കരാര്‍ പുതുക്കിയത്‌. ഇവിടെ ഇനി ടാറ്റാ എന്ത്‌ വ്യവസായമാണ്‌ തുടങ്ങാന്‍ പോകുന്നത്‌ എന്ന്‌ വ്യക്തമല്ല.
0 comments:
ഒരു അഭിപ്രായം പോസ്റ്റ് ചെയ്യൂ