ലോകത്തെ മിക്ക രാജ്യങ്ങളിലും ഇങ്ങനെ സംഭവിച്ചിട്ടുണ്ട്‌. നേരത്തേ ഇത്തരം വാര്‍ത്തകള്‍ ഗൂഗിള്‍ നിഷേധിച്ചിരുന്നു. ചെറിയതോതില്‍ വ്യക്തിവിവരങ്ങള്‍ ചോര്‍ത്തപ്പെട്ടിരിക്കാമെന്നു മാത്രമായിരുന്നു അവരുടെ നിലപാട്‌. എന്നാല്‍ ഇന്‍ര്‍ര്‍നെറ്റ്‌ ഉപയോക്താക്കളുടെ പരാതികള്‍ പെരുകിയപ്പോള്‍ ഫ്രാന്‍സ്‌, ജര്‍മിനി, സ്‌പെയിന്‍ തുടങ്ങി പലരാജ്യങ്ങളും ഗൂഗിളിനെതിരെ നടപടിയുമായി മുന്നോട്ടുവന്നു. മദര്‍ഡിസ്‌ക്‌ ഹാജരാക്കാന്‍ പലരാജ്യങ്ങളും ഗൂഗിളിന്‌ നിര്‍ദ്ദേശം നല്‍കി.
നില്‍ക്കക്കളിയില്ലാതെ വന്നപ്പോഴാണ്‌ വന്‍തോതില്‍തന്നെ വ്യക്തിവിവരങ്ങള്‍ മോഷ്ടിച്ചതായി ഗൂഗിളിന്‌ സമ്മതിക്കേണ്ടിവന്നത്‌. തെറ്റുപറ്റിയതില്‍ നിര്‍വ്യാജം ഖേദിക്കുന്നുവെന്നാണ്‌ ഗൂഗിളിന്റെ പുതിയ പ്രസ്‌താവന. അനധികൃതമായി ശേഖരിച്ച വ്യക്തിവിവരങ്ങള്‍ നശിപ്പിച്ചുകഴിഞ്ഞുവെന്നും ഇനി ഇത്തരം തെറ്റുകള്‍ ആവര്‍ത്തിക്കില്ലെന്നും ഗൂഗിള്‍ സീനിയര്‍ വൈസ്‌പ്രസിഡന്റ്‌ അലന്‍ യൂസ്‌റ്റേഴ്‌സ്‌ പറഞ്ഞു. സ്‌ട്രീറ്റ്‌ വ്യൂ കാറിന്റെ സാങ്കേതികവിദ്യയില്‍ ഇതിനുള്ള മാറ്റം വരുത്തിക്കഴിഞ്ഞതായും അദ്ദേഹം അവകാശപ്പെടുന്നു.
രണ്ട്‌ വര്‍ഷം മുമ്പാണ്‌ സ്‌ട്രീറ്റ്‌ വ്യൂ കാര്‍ ഓടിത്തുടങ്ങിയത്‌. 360 ഡിഗ്രിയില്‍ ത്രിമാന കാമറ ഉപയോഗിച്ചാണ്‌ തെരുവുകളുടെ ദൃശ്യങ്ങള്‍ ഒപ്പിയെടുക്കുന്നത്‌. 34 രാജ്യങ്ങളില്‍നിന്നും ഇതിനകം സ്‌ട്രീറ്റ്‌വ്യൂകാര്‍ ദൃശ്യങ്ങള്‍ പകര്‍ത്തിക്കഴിഞ്ഞു. ഇതിനിടയില്‍ കടലില്‍കുളിക്കുന്നവരുടെ നഗ്നചിത്രങ്ങള്‍വരെ കാര്‍ പകര്‍ത്തുകയും നെറ്റില്‍ ലഭ്യമാക്കുകയും ചെയ്‌തു. ജനങ്ങളുടെ സ്വകാര്യതയിലേക്ക്‌ കടന്നുകയറിയ ഗൂഗിളിന്റെ ഈ പ്രവൃത്തിയും ഏറെ വിമര്‍ശിക്കപ്പെടുന്നുണ്ട്‌.
0 comments:
ഒരു അഭിപ്രായം പോസ്റ്റ് ചെയ്യൂ