2012 ആദ്യത്തില്‍ സ്‌കൂട്ടര്‍ വിപണിയിലിറക്കാനാണ്‌ കമ്പനി ലക്ഷ്യമിടുന്നത്‌. മഹാരാഷ്‌ട്രയിലെ ബാരാമതിയിലെ ഫാക്ടറിയിലാവും സ്‌കൂട്ടര്‍ നിര്‍മാണം. പ്രതിവര്‍ഷം 1.5 ലക്ഷം സ്‌കൂട്ടര്‍ ഇന്ത്യന്‍ വിപണിയില്‍ വിറ്റഴിക്കാനാവുമെന്നാണ്‌ കമ്പനിയുടെ കണക്കുകൂട്ടല്‍. വെസ്‌പ എല്‍ എക്‌സ്‌ ശ്രേണിയില്‍പ്പെട്ട, അന്താരാഷ്‌ട്ര നിലവാരമുള്ള സ്‌കൂട്ടറുകളാവും കമ്പനി നിര്‍മ്മിക്കുക.
ഇന്ത്യയില്‍ ആദ്യമായി സ്‌കൂട്ടര്‍ അവതരിപ്പിച്ചത്‌ പിയാജിയോ ആണ്‌. 1950 ല്‍ ബജാജുമായി കൈകോര്‍ത്തായിരുന്നു ഇത്‌. 1971 വരെ ഈ ബന്ധം തുടര്‍ന്നു. പിന്നീട്‌ ബജാജ്‌ ഒറ്റയ്‌ക്കായി സ്‌കൂട്ടര്‍ നിര്‍മാണം. 1983 ല്‍ എല്‍ എം എല്ലുമായി സഹകരിച്ച്‌ പിയാജിയോ വീണ്ടും സ്‌കൂട്ടര്‍ നിര്‍മാണം തുടങ്ങിയെങ്കിലും ആ ബന്ധവും 1999 ന്‌ അപ്പുറത്തേക്ക്‌ പോയില്ല.
തുടര്‍ന്ന്‌ നേരിട്ട്‌ വ്യവസായം തുടങ്ങാന്‍ പലതവണ പിയാജിയോ ശ്രമിച്ചെങ്കിലും പഴയ പങ്കാളികളായ ബജാജിന്റെ എതിര്‍പ്പുമൂലം നടന്നില്ല. അഞ്ച്‌ വര്‍ഷം മുമ്പ്‌ സ്‌കൂട്ടര്‍ നിര്‍മാണം ബജാജ്‌ അവസാനിപ്പിച്ചപ്പോഴാണ്‌ പിയാജിയോയുടെ ആഗ്രഹം വീണ്ടും തളിരിട്ടുതുടങ്ങിയത്‌.
RELATED STORIES
0 comments:
ഒരു അഭിപ്രായം പോസ്റ്റ് ചെയ്യൂ