പൃഥ്വിരാജിന്റെ കഴിവുകളില്‍ എനിക്ക്‌ വിശ്വാസമുണ്ട്‌. അതുകൊണ്ടാണ്‌ ആദ്യപടത്തില്‍ പൃഥ്വിരാജ്‌ നായകനാവണം എന്ന്‌ ആഗ്രഹിച്ചതും. തുടക്കത്തില്‍ സമ്മതം മൂളിയ പൃഥ്വിരാജ്‌ പിന്നെ എന്തുകൊണ്ട്‌ സിനിമയില്‍നിന്നും പിന്‍മാറിയെന്ന്‌ അറിയില്ല. ഇതുവരെ ഒരു വിശദീകരണം നല്‍കാന്‍പോലും പൃഥ്വിരാജ്‌ തയ്യാറായിട്ടില്ല. എന്തായാലും മലയാള സിനിമയില്‍ തനിക്ക്‌ മികച്ച തുടക്കത്തിന്‌ അവസരമൊരുക്കിത്തന്ന കുഞ്ചാക്കോ ബോബനോടും നിര്‍മാതാവ്‌ ജോയ്‌ തോമസ്‌ ശക്തികുളങ്ങരയോടും കടപ്പാടുണ്ടെന്നും കെ ബിജു പറഞ്ഞു.
ഇത്‌ ആദ്യമായല്ല പൃഥ്വിരാജിനെതിരെ ഇത്തരം ആരോപണം ഉയരുന്നത്‌. നേരത്തേ നിര്‍മാതാവ്‌ കെ മോഹന്‍ദാസും സമാനമായ ആരോപണം ഉന്നയിച്ചിരുന്നു. മോഹന്‍ദാസിന്റെ സ്വപ്‌നമാളികയില്‍ അഭിനയിക്കാമെന്ന്‌ പറഞ്ഞ്‌ അഞ്ച്‌ ലക്ഷം രൂപ അഡ്വാന്‍സ്‌ വാങ്ങിയ ശേഷം യാതൊരുകാരണവും പറയാതെ പടത്തില്‍നിന്നും പൃഥ്വിരാജ്‌ പിന്‍മാറിയെന്നാണ്‌ ആരോപണം. അഡ്വാന്‍സ്‌ തുക തിരികെ നല്‍കിയിട്ടില്ലെന്നും മോഹന്‍ദാസ്‌ ആരോപിച്ചിരുന്നു. പൃഥ്വിരാജിന്‌ വേഷങ്ങള്‍ കുറവായിരുന്ന സമയത്താണ്‌ ഈ വാഗ്‌ദാനലംഘനങ്ങള്‍ എന്നതും ശ്രദ്ധേയമാണ്‌.
related stories
2 comments:
പാവം ഇനി എന്തൊക്കെ കേക്കണോ
ബിജു ചേട്ടന്‍ ഇതു വായിക്കില്ലെന്നറിയാം... എന്നാലും പറയുവാ....
ആ റോള്‍ ചെയ്യാന്‍ ഏറ്റവും നല്ലത്‌ ചാക്കോച്ചന്‍ തന്നാ...
രായപ്പന്‍ ചെയ്തിരുന്നേല്‍ പൊട്ടിയേനേ..... !!
ഒരു അഭിപ്രായം പോസ്റ്റ് ചെയ്യൂ