എയര്‍ ഇന്ത്യ എക്‌സ്‌പ്രസിന്റെ ആസ്ഥാനം മുംബൈയില്‍നിന്നും കൊച്ചിയിലേക്ക്‌ മാറ്റുമെന്ന്‌ നേരേത്തതന്നെ അധികുതര്‍ വ്യക്തമാക്കിയിരുന്നതാണ്‌. എന്നാല്‍ അത്തരമൊരു തീരുമാനമില്ലെന്നും ആസ്ഥാനം തിരുവനന്തപുരേത്തക്കാണ്‌ മാറ്റുന്നതെന്നും അവകാശപ്പെട്ട്‌ ശശിതരൂര്‍ എം പി രംഗത്തുവന്നിരുന്നു. തിരുവനന്തപുരത്തേക്ക്‌ മാറ്റാനുള്ള തീരുമാനം ചിലര്‍ അട്ടിമറിക്കാന്‍ ശ്രമിക്കുകയാണെന്നായിരുന്നു തിരുവനന്തപുരത്തിന്റെ എം പിയായ തരൂര്‍ ആരോപിച്ചത്‌.
ഇതിനിടെയാണ്‌ എയര്‍ഇന്ത്യയുടെ പുതിയ പദ്ധതികളുടെ രൂപരേഖയ്‌ക്ക്‌ അന്തിമരൂപമായത്‌. അതില്‍ ആസ്ഥാനം കൊച്ചിയിലേക്ക്‌ മാറ്റുന്നതിനെക്കുറിച്ചാണ്‌ പ്രതിപാദിച്ചിട്ടുള്ളത്‌. ആസ്ഥാനം കൊച്ചിയിലേക്ക്‌ മാറ്റാന്‍തന്നെയാണ്‌ പദ്ധതിയെന്ന്‌ എയര്‍ ഇന്ത്യ വൃത്തങ്ങളും വ്യക്തമാക്കിയിട്ടുണ്ട്‌.
വാണിജ്യപരമായ ലക്ഷ്യങ്ങളോടെയാണ്‌ ആസ്ഥാനം കൊച്ചിയിലേക്ക്‌ മാറ്റുന്നത്‌. കേരളത്തിന്റെ വ്യവസായിക തലസ്ഥാനം കൊച്ചിയാണ്‌. അതുകൊണ്ടുതന്നെ വ്യവാസായിക ആവശ്യങ്ങള്‍ക്കായി കൂടുതല്‍പേര്‍ വിമാനത്തില്‍ യാത്രചെയ്യുന്നത്‌ കൊച്ചിയിലേക്കായിരിക്കുമെന്നാണ്‌ കണക്കുകൂട്ടല്‍. അതേസമയം കൂടുതല്‍ സര്‍വീസുകള്‍ ഓപ്പറേറ്റ്‌ ചെയ്യുക തിരുവനന്തപുരത്തുനിന്നായിരിക്കുമെന്നും അവര്‍ വ്യക്തമാക്കുന്നു.
RELATED STORIES
0 comments:
ഒരു അഭിപ്രായം പോസ്റ്റ് ചെയ്യൂ