കുട്ടിസ്രാങ്കിന്‌ അവാര്‍ഡ്‌ കൊടുത്തതിന്‌ പുരസ്‌കാര നിര്‍ണയ ജൂറിയെ നിര്‍മാതാവ്‌ അംബാനി സ്വാധീനിച്ചു എന്ന പ്രചരണം അസംബന്ധമാണ്‌. അവാര്‍ഡ്‌ നിര്‍ണയത്തിന്റെ പേരില്‍ പരസ്‌പരം പഴിചാരുന്നതില്‍ കാര്യമില്ല. ജൂറി അംഗങ്ങളെ സാധീനിക്കാന്‍ കഴിയില്ലെന്ന്‌ മുന്‍ അംഗമായിരുന്ന തനിക്ക്‌ ഉറപ്പായും പറയാന്‍ കഴിയും.
പതിനാറോളം ഭാഷകളില്‍നിന്നായി 130ല്‍ അധികം സിനിമകള്‍ ജൂറിക്ക്‌ മുമ്പില്‍ വരും. 16 അംഗങ്ങള്‍ അടങ്ങുന്നതാണ്‌ ജൂറി. കിഴക്ക്‌, വടക്ക്‌, പടിഞ്ഞാറ്‌, തെക്ക്‌ എന്നിങ്ങനെ ജൂറി നാലായി തിരിഞ്ഞ്‌ അതാതു പ്രദേശങ്ങളില്‍നിന്നുള്ള മികച്ച സിനിമകള്‍ തെരഞ്ഞെടുക്കും. ഇവ അവസാന റൗണ്ടില്‍ വരും.
നേരത്തെ തള്ളിക്കളഞ്ഞ സിനിമയും ചിലപ്പോള്‍ അവസാന റൗണ്ടില്‍ പരിഗണിക്കും. അടൂരിന്റെ സ്വയംവരം ഇങ്ങനെ ആദ്യ റൗണ്ടില്‍ തള്ളിപ്പോയിട്ടും പിന്നീട്‌ വിളിച്ചുവരുത്തി കണ്ട്‌ പുരസ്‌കാരം നല്‍കിയ സിനിമയാണ്‌. അന്ന്‌ വാര്‍ത്താവിതരണ മന്ത്രിയായിരുന്ന ഐ കെ ഗുജ്‌റാളാണ്‌ ജൂറിയോട്‌ സ്വയംവരം വീണ്ടും കാണാന്‍ ആവശ്യപ്പെട്ടതെന്നും ശ്രീകുമാരന്‍ തമ്പി പറഞ്ഞു. കേരള ഫിലിംക്രിട്ടിക്‌സ്‌ അസോസിയേഷന്‍ സംഘടിപ്പിച്ച പ്രതിമാസ സിനിമാ ചര്‍ച്ചയില്‍ സംസാരിക്കുകയായിരുന്നു അദ്ദേഹം.
0 comments:
ഒരു അഭിപ്രായം പോസ്റ്റ് ചെയ്യൂ