ബര്‍ലിന്‍: വരും നാളുകളില്‍ ജര്‍മിനിയില്‍ വീടുകളുടെ വാടകനിരക്കില്‍ വന്‍ വര്‍ധനയുണ്ടാകുമെന്ന്‌ ജര്‍മന്‍ ചാന്‍സ്‌ലര്‍ ആഞ്‌ജല മെര്‍ക്കല്‍. വീടുകളുടെ മേല്‍ക്കുര പരിസ്ഥിതി സൗഹൃദ മേല്‍ക്കുരയാക്കുന്നതിനുള്ള ചെലവ്‌ വാടകക്കാരിലേക്ക്‌ പകര്‍ന്നു നല്‍കാന്‍ സര്‍ക്കാര്‍ അനുവാദം നല്‍കിയതോടെയാണ്‌ ഇതെന്നും ചാന്‍സ്‌ലര്‍ ഓര്‍മ്മിപ്പിച്ചു.
വീടിന്റെ മേല്‍ക്കുര പരിസ്ഥിതി സൗഹൃദ മേല്‍ക്കുരയാക്കണമെന്നത്‌ ഒറ്റനോട്ടത്തില്‍ ആര്‍ക്കും ഗുണകരമായി തോന്നില്ല. പക്ഷേ കാലാവസ്ഥ മാറ്റത്തെ പ്രതിരോധിക്കാന്‍ ശേഷിയുള്ള ഇത്തരം മേല്‍ക്കുര ഏറെ ഗുണകരമാണന്ന്‌ വീട്ടുടമയും വാടകക്കാരും വൈകാതെ മനസിലാക്കും. ഊര്‍ജ നഷ്ടം പരമാവധി കുറയ്‌ക്കാനും ഇത്‌ സഹായകമാവുമെന്നും അവര്‍ പറഞ്ഞു.
0 comments:
ഒരു അഭിപ്രായം പോസ്റ്റ് ചെയ്യൂ