അനധികൃതമായി തെരുവുകളുടെ ചിത്രങ്ങള് പകര്ത്തിയതിന് ഗൂഗിളിനെതിരെ അന്വേഷണം നടത്തുന്ന രണ്ടാമത്തെ രാജ്യമാണ് ജര്മിനി. ഇറ്റലിയാണ് ആദ്യം അന്വേഷണം പ്രഖ്യാപിച്ചത്. ഹാംബര്ഗ് തെരുവിന്റെ ചിത്രങ്ങള് പകര്ത്തിയതാണ് ജര്മിനി ഗൗരവതരമായി കാണുന്നത്. ഇവ പകര്ത്തിയതിന്റെ ഹാര്ഡ് ഡിസ്ക് ഹാജരാക്കണമെന്ന് സര്ക്കാര് നിര്ദ്ദേശിച്ചുവെങ്കിലും ഗൂഗിള് അത് അവഗണിക്കുകയായിരുന്നു.
സ്ട്രീറ്റ്വ്യൂന്റെ മറവില് പ്രദേശത്തെ വ്യക്തിപരമായ വിവരങ്ങളും വയര്ലെസ് ശൃംഖലയിലൂടെ ഗൂഗിള് ചോര്ത്തിയതാണ് പ്രതിഷേധം വ്യാപകമാക്കിയത്. വെബ്സൈറ്റുകളുടെയും പേഴ്സണല് ഈമെയിലുകളുടെയും വിവരങ്ങള്വരെ ഗൂഗിള് ഇങ്ങനെ ചോര്ത്തിയെടുത്തിട്ടുണ്ട്. എന്നാല് ഇത് ഒരു പ്രോഗ്രാമിലുണ്ടായ പിഴവ്മൂലം സംഭവിച്ചതാണെന്നും അവ നശിപ്പിച്ചുകളയാന് തങ്ങള് തയ്യാറാണെന്നുമാണ് ഗൂഗിള് പറയുന്നത്.
0 comments:
ഒരു അഭിപ്രായം പോസ്റ്റ് ചെയ്യൂ