മുംബൈ: ഓഹരി വിപണിയില്‍ കുതിച്ചുകയറ്റം. ഇരു സൂചികകളും വന്‍ നേട്ടത്തേടെയാണ്‌ രാവിലെ വ്യാപാരം ആരംഭിച്ചത്‌. ബോംബൈ ഓഹരി സൂചിക സെന്‍സെക്‌സ്‌ തുടക്കത്തില്‍ 149 പോയിന്റ്‌ നേട്ടവുമായി 18,355.84 പോയിന്റുവരെയെത്തി. 0.76 ശതമാനം നേട്ടത്തോടെ ദേശീയ ഓഹരി സൂചിക നിഫ്‌ടി 5,500 പോയിന്റിലും എത്തിയിരുന്നു. 29 പോയിന്റ്‌ വളര്‍ച്ചയാണ്‌ നിഫ്‌ടിയിലുണ്ടായത്‌.
അമേരിക്കന്‍ ഓഹരി വിപണി പുരോഗതിയുടെ പാതയില്‍ തിരിച്ചെത്തിയതാണ്‌ ഇന്ത്യയിലും മറ്റ്‌ ഏഷ്യന്‍ രാജ്യങ്ങളിലും അനുകൂല സാഹചര്യം സൃഷ്ടിച്ചത്‌. വാഹനക്കമ്പനികളില്‍ മാരുതി സുസുകിയാണ്‌ ഏറ്റവും നേട്ടം കൊയ്‌തത്‌. കാര്‍ വില്‍പനയില്‍ റെക്കോഡ്‌ നേട്ടമുണ്ടാക്കിയെന്ന കമ്പനിയുടെ ഔദ്യോഗിക വാര്‍ത്താക്കുറിപ്പാണ്‌ ഈ നേട്ടത്തിന്‌ പിന്നില്‍.
0 comments:
ഒരു അഭിപ്രായം പോസ്റ്റ് ചെയ്യൂ