ഈ സിനിമയ്‌ക്കായുള്ള മഴപ്പാട്ട്‌ ചിത്രീകരിച്ചുകഴിഞ്ഞു. മഹാരാഷ്‌ട്രയിലെ മല്‍ഷേജ്‌ഘട്ടില്‍ ചിത്രീകരണം നടക്കുന്ന സമയത്ത്‌ തുള്ളിക്കൊരുകുടം എന്ന രീതിയില്‍ ശക്തമായ മഴതന്നെ ലഭിച്ചിരുന്നു. ടാബു, പ്രഭുദേവ, പൃഥിരാജ്‌ എന്നിവരാണ്‌ ഈ രംഗത്ത്‌ എത്തിയത്‌. ബോളിവുഡിലെ പ്രമുഖനായ അഹമദ്‌ഖാന്‍ അായിരുന്നു കോറിയോഗ്രാഫര്‍.
ഇത്‌ ടാബുവിന്റെ മൂന്നാമത്തെ മലയാളം ചിത്രമാണ്‌. ആദ്യ രണ്ട്‌ ചിത്രങ്ങളിലും നായികയായിരുന്നുവെങ്കില്‍ ഇത്തവണ അതിഥി താരമായാണ്‌ വരവ്‌.
മഴപ്പാട്ടിന്റെ ചിത്രീകരണത്തോടെ ചിത്രത്തിലെ ടാബുവിന്റെ വേഷം പൂര്‍ണമായിക്കഴിഞ്ഞു. വദ്യാബാലന്റെ നൃത്തം ചിത്രീകരിച്ചുവരുന്നതേയുള്ളൂവെന്ന്‌ സന്തോഷ്‌ ശിവന്‍ അറിയിച്ചു. ചിത്രത്തിലെ നായിക ജെനലിയ ഇപ്പോള്‍ കുതിര സവാരി പഠിക്കുകയാണ്‌. ഈ പഠനത്തിനുശേഷം ജെനലിയ ചിത്രീകരണത്തിന്‌ എത്തുമെന്നും സന്തോഷ്‌ പറഞ്ഞു.
0 comments:
ഒരു അഭിപ്രായം പോസ്റ്റ് ചെയ്യൂ