രാജ്യസുരക്ഷയുമായി ബന്ധപ്പെട്ട്‌ സൗദി അറേബ്യയിലെ ടെലികോം ഏജന്‍സി നിര്‍ദേശിച്ച വ്യവസ്ഥകള്‍ നടപ്പിലാക്കാന്‍ ബ്ലാക്ക്‌ബെറി തയ്യാറാവാത്ത സാഹചര്യത്തിലാണ്‌ വിലക്ക്‌ ഏര്‍പ്പെടുത്തിയത്‌. ബ്ലാക്ക്‌ബെറി ഈ നിര്‍ദ്ദേശങ്ങള്‍ നടപ്പിലാക്കുന്നതുവരെ നിരോധനം തുടരുമെന്ന്‌ വിവര സാങ്കേതിക കമ്മിഷന്‍ അറിയിച്ചു.
ബ്ലാക്ക്‌ബെറിയുടെ സേവനങ്ങളായ ഇന്റര്‍നെറ്റ്‌, ഇ-മെയില്‍, ഒരു ഫോണില്‍ നിന്ന്‌ മറ്റൊരു ഫോണിലേയ്‌ക്കുള്ള മെസേജ്‌ എന്നീ സേവനങ്ങളാണ്‌ നിരോധിക്കുന്നത്‌. ഇവ പരിശോധിക്കാന്‍ സുരക്ഷാ ഏജന്‍സികള്‍ക്ക്‌ അവസരം ലഭ്യമാക്കണമെന്നാണ്‌ വിവിധ രാജ്യങ്ങള്‍ ആവശ്യപ്പെട്ടിട്ടുള്ളത്‌.
ഇന്ത്യയുള്‍പ്പെടെയുള്ള രാജ്യങ്ങള്‍ ഈ ആവശ്യം മുന്നോട്ടുവച്ചിട്ടുണ്ടെങ്കിലും ബ്ലാക്ക്‌ബെറി ഇത്‌ നടപ്പാക്കിയിട്ടില്ല. എന്നാല്‍ ചൈനയില്‍ അവിടത്തെ സര്‍ക്കാരിന്റെ കര്‍ശന വ്യവസ്ഥകള്‍ക്ക്‌ വിധേയമായാണ്‌ ബ്ലാക്ക്‌ബെറി പ്രവര്‍ത്തിക്കുന്നത്‌.
അതേസമയം, ഉപഭോക്താവിന്റെ സ്വകാര്യതയെ ഹനിക്കുന്ന വിട്ടുവീഴ്‌ചകള്‍ ചെയ്യില്ലെന്ന്‌ ബ്ലാക്ക്‌ബെറി കമ്പനിയുടെ ഇന്ത്യന്‍ വക്‌താവ്‌ സത്‌ചിത്‌ ഗെയ്‌ക്കവാദ്‌ വ്യക്തമാക്കി. തങ്ങള്‍ സേവനം ലഭ്യമാക്കുന്ന എല്ലാ രാജ്യങ്ങളിലും ഉപഭോക്താവിന്റെ സ്വകാര്യത സംബന്ധിച്ച്‌ ഒരേ നയമാണ്‌ പിന്തുടരുന്നതെന്നും ഗെയ്‌ക്കവാദ്‌ പറഞ്ഞു. ബ്ലാക്ക്‌ബെറിയുടെ `ടോര്‍ച്ച്‌' എന്ന വിവാദ മോഡല്‍ ഈ മാസം 12 ന്‌ വിപണിയില്‍ എത്തുന്നതുമായി ബന്ധപ്പെട്ടാണ്‌ നടപടി.
0 comments:
ഒരു അഭിപ്രായം പോസ്റ്റ് ചെയ്യൂ