ഇന്ത്യന്‍ സിനിമ മേഖലയില്‍നിന്നുള്ള വരുമാനം വളരെ ചെറുതാണെന്ന്‌ ഷെമാരൂ എന്റര്‍ടൈന്‍മെന്റ്‌ ഡയറക്ടര്‍ ഹിരണ്‍ ഗാഡ ചുണ്ടിക്കാട്ടുന്നു. ഇന്ത്യയില്‍ വിമനാദമേഖലയില്‍നിന്നുള്ള ആകെ വരുമാനം രണ്ട്‌ ബില്ല്യണ്‍ ഡോളറാണ്‌. കഴിഞ്ഞവര്‍ഷം അവതാര്‍ സിനിമ മാത്രം ലോകത്തൊട്ടാകം നേടിയെടുത്തതും രണ്ട്‌ ബില്യണ്‍ ഡോളറായിരുന്നു.
അത്രത്തോളം ചെറുതാണ്‌ ഇന്ത്യന്‍ വിനോദമേഖല. അങ്ങനെയുള്ള ചെറിയ മേഖലയിലാണ്‌ വരുമാനത്തിന്റെ 90 ശതമാനവും വ്യാജ സി ഡിക്കാര്‍ കൊണ്ടുപോകുന്നത്‌. ഇത്‌ ഇന്ത്യന്‍ വിനോദമേഖലയ്‌ക്കുണ്ടാക്കുന്ന ആഘാതം ചെറുതല്ലെന്നും ഗാഡ ചൂണ്ടിക്കാട്ടി.
ഒരു വര്‍ഷം 20 മില്യണ്‍ ഒറിജിനല്‍ സി ഡിയാണ്‌ ഇന്ത്യന്‍ കമ്പോളത്തില്‍ എത്തുന്നതെന്ന്‌ മോസര്‍ബിയര്‍ ചീഫ്‌ എക്‌സിക്യുട്ടീവ്‌ ഹാരിഷ്‌ ഡയാനി പറയുന്നു. വ്യാജനാകട്ടെ 600 മില്യണും. ഓരോ വ്യാജ സി ഡിയിലും അഞ്ച്‌ സിനിമകള്‍വരെ ഉണ്ടാകും. ഒറിജിനല്‍ സി ഡികളുടെ വിലക്കൂടുതലാണ്‌ വ്യാജന്‍ വര്‍ധിക്കാന്‍ ഒരു കാരണമെന്ന്‌ ഡയാനി ചൂണ്ടിക്കാട്ടി.
വ്യാജ സി ഡി വിപണനം തടയാന്‍ കഴിയുന്നതെല്ലാം ചെയ്യുന്നുണ്ടെന്നാണ്‌ യു ടി വി മോഷന്‍ പിക്‌ചേഴ്‌സ്‌ വൈസ്‌ പ്രസിഡന്റ്‌ പ്രകാശ്‌ നാഥന്‍ പറയുന്നത്‌. അലൈന്‍സ്‌ എഗന്‍സ്‌റ്റ്‌ കോപിറൈറ്റ്‌ തെഫ്‌ട്‌ രൂപീകരിച്ചിട്ടുണ്ട്‌. കഴിഞ്ഞ ആറ്‌ മാസത്തിനിടെ രാജ്യത്ത്‌ 100 വ്യാജ സി ഡി റെയ്‌ഡുകളാണ്‌ നടത്തിയത്‌. 4,00,000 ല്‍ പരം വ്യാജ സി ഡികള്‍ കണ്ടെടുത്ത്‌ നശിപ്പിച്ചിട്ടുണ്ട്‌. പക്ഷേ ഇപ്പോഴും വ്യാജ സി ഡി ലോബി ശക്തമാണെന്നും അദ്ദേഹം പറഞ്ഞു.
0 comments:
ഒരു അഭിപ്രായം പോസ്റ്റ് ചെയ്യൂ