മരിച്ചുപോകുമെന്ന്‌ പേടിച്ചുപോയി: പീറ്റര്‍ ആന്ദ്രേ

ലണ്ടന്‍: നെഞ്ചുവേദന വന്നപ്പോള്‍ മരിച്ചുപോകുമെന്നുതന്നെയാണ്‌ താന്‍ കരുതിയതെന്ന്‌ പ്രശസ്‌ത ഗായകന്‍ പീറ്റര്‍ ആന്ദ്രേ. നെഞ്ചിനകത്ത്‌ വല്ലാത്ത വേദനയായിരുന്നു. അതുകൊണ്ടുതന്നെ ഹൃദയാഘാതം ആണെന്നാണ്‌ കരുതിയത്‌. ഇതാ മരിക്കാന്‍പോകുന്നുവെന്ന തോന്നലും അതോടെ എന്നില്‍ കലശലായി. പെട്ടെന്ന്‌ മരിക്കേണ്ടി വരുന്നതില്‍ വല്ലാത്ത വിഷമവും തോന്നിയെന്ന്‌ പീറ്റര്‍ പറഞ്ഞു.
കുറച്ചുനാളായി ശാരീരിക പ്രശ്‌നങ്ങള്‍ പീറ്ററിനെ വല്ലാതെ അലട്ടുന്നുണ്ട്‌. കഴിഞ്ഞദിവസം രാവിലെ ജോഗിംഗിന്‌ ഇറങ്ങിയപ്പോളാണ്‌ കടുത്ത നെഞ്ച്‌ വേദനയും അനുഭവപ്പെട്ടത്‌. ഉടന്‍തന്നെ ആശുപത്രിയില്‍ എത്തിച്ചു. അപ്പോഴെ മെഡിക്കല്‍ സംഘത്തിന്‌ മനസിലായി, ഇത്‌ ഹൃദയാഘാതം ഒന്നും അല്ലെന്ന്‌. എന്നാല്‍ താന്‍ വല്ലാതെ പേടിച്ചിരിക്കുകയാണെന്നും അവര്‍ക്ക്‌ മനസിലാക്കാന്‍ കഴിഞ്ഞു. അവര്‍ കൃത്യസമയത്ത്‌ ശരിയായി പ്രവര്‍ത്തിച്ചതിനാല്‍ പേടി എന്നെ വിട്ടൊഴിയുകയായിരുന്നു - പീറ്റര്‍ പറഞ്ഞു.