456.63 കോടിയാണ്‌ ഈ മൂന്ന്‌ മാസത്തെ കമ്പനിയുടെ വരവ്‌. 2009-2010 ല്‍ ഇതേ കാലയളവില്‍ 583.5 കോടിയായിരുന്നു അറ്റാദായം. 100 കോടിയില്‍പരം രൂപയുടെ കുറവാണ്‌ ഇത്തവണ ഉണ്ടായത്‌.
ജനപ്രിയ മോഡലായ മാരുതി 800 നിരത്തില്‍നിന്നും പിന്‍വലിച്ച ശേഷമുള്ള ആദ്യ കണക്കാണ്‌ ഇപ്പോള്‍ പുറത്തുവിട്ടിരിക്കുന്നത്‌. രാജ്യത്ത്‌ ഏറ്റവും അധികം ആളുകള്‍ വാങ്ങിയിരുന്ന മോഡലായിരുന്നു 800. ടാറ്റാ നാേനായുടെ വരവോടെയാണ്‌ 800 ന്റെ ഉത്‌പാദനം അവസാനിപ്പിക്കാന്‍ കമ്പനി തീരുമാനച്ചത്‌. ഒപ്പം ആള്‍ട്ടോയെ പ്രോത്സാഹിപ്പിക്കാനും കമ്പനി നടപടികള്‍ എടുത്തിരുന്നു.
അതേസമയം അസംസ്‌കൃത സാധനങ്ങള്‍ക്ക്‌ വില വര്‍ധിച്ചതും യൂറോ മാനദണ്ഡങ്ങള്‍ കര്‍ശനമായി പാലിക്കുന്നതുമാണ്‌ അറ്റാദായത്തില്‍ കുറവുവരാന്‍ കാരണമെന്ന്‌ കമ്പനി വൃത്തങ്ങള്‍ അവകാശപ്പെട്ടു. നടപ്പ്‌്‌ സാമ്പത്തിക വര്‍ഷത്തിന്റെ ആദ്യ പാദത്തില്‍ മൊത്തം വരവും കാറുകളുടെ വില്‍പനയും ഉയര്‍ന്നിട്ടുണ്ട്‌. മൊത്തം വരവ്‌ 6340.2 കോടിയില്‍നിന്നും 8050.7 കോടിയായും കാര്‍വില്‍പന 25 ശതമാനം വര്‍ധിച്ച്‌ 2,83,324 യൂണിറ്റയതായും കമ്പനി അധികൃതര്‍ ചൂണ്ടിക്കാട്ടുന്നു. ഈ കാലയളവില്‍ കമ്പനി രാജ്യത്താകെ 26 പുതിയ ഔട്ട്‌ലെറ്റുകളും ആരംഭിച്ചിട്ടുണ്ട്‌.
0 comments:
ഒരു അഭിപ്രായം പോസ്റ്റ് ചെയ്യൂ