പി എഫ്‌ തുകയില്‍ 10 ശതമാനം സ്വകാര്യ ധനസ്ഥാപനങ്ങളില്‍ ബോണ്ടായി നിക്ഷേപിക്കാന്‍ മാത്രമാണ്‌ നിലവില്‍ ഇ പി എഫ്‌ ഒയ്‌ക്ക്‌ അനുവാദമുള്ളത്‌. ഇ പി എഫ്‌ ഒ മൊത്തം സഞ്ചിത നിധിയായ മൂന്നു ലക്ഷം കോടി രൂപയുടെ 15 ശതമാനം ഓഹരിക്കമ്പോളത്തില്‍ നിക്ഷേപിക്കാന്‍ അനുവദിക്കണമെന്നാണ്‌ ഇന്നലെ ചേര്‍ന്ന യോഗത്തില്‍ സര്‍ക്കാര്‍ ആവശ്യപ്പെട്ടത്‌.
എന്നാല്‍ 4.7 കോടി തൊഴിലാളികളുടെ നിക്ഷേപം ചൂതാട്ടത്തിനു വിട്ടുകൊടുക്കാന്‍ തയ്യാറല്ലെന്ന്‌ ട്രേഡ്‌യൂണിയന്‍ പ്രതിനിധികള്‍ ശക്തമായി വാദിച്ചതിനാല്‍ അനുകൂല തീരുമാനമെടുക്കുന്നതില്‍ സര്‍ക്കാര്‍ പരാജയപ്പെട്ടു.
അതേസമയം സര്‍ക്കാരിന്‌ 26 ശതമാനം ഓഹരികളുള്ള പൊതു-സ്വകാര്യ കമ്പനികളില്‍ ഇ പി എഫ്‌ ഒ ബോണ്ട്‌ നിക്ഷേപിക്കാന്‍ യോഗം അനുമതി നല്‍കിയിട്ടുണ്ട്‌.
തൊഴിലാളികളുടെ നിക്ഷേപവുമായി ബന്ധപ്പെട്ട ഇന്‍ഷ്വറന്‍സ്‌ പദ്ധതിയനുസരിച്ച്‌ ലഭിക്കുന്ന ഇന്‍ഷ്വറസ്‌ തുക അറുപതിനായിരത്തില്‍നിന്ന്‌ ഒരു ലക്ഷമായി ഉയര്‍ത്താനും യോഗം തീരുമാനിച്ചു.
0 comments:
ഒരു അഭിപ്രായം പോസ്റ്റ് ചെയ്യൂ