ബോബിക്കുശേഷം അത്രയും ഹിറ്റായ ഒരു ചിത്രത്തിലും തനിക്ക്‌ അഭിനയിക്കാന്‍ കഴിഞ്ഞിട്ടില്ല. ഋഷി കപൂറുമായി തനിക്ക്‌ നല്ല ബന്ധമാണുള്ളത്‌. നിസാരകാര്യങ്ങളുടെ പേരില്‍ വഴക്കിടലാണ്‌ ഞങ്ങളുടെ പൊതുസ്വഭാവം. കഴിഞ്ഞദിവസം രണ്‍ദീറിനോട്‌ ഋഷി േചാദിച്ചത്‌ എത്ര ടേക്കില്‍ ഞാന്‍ ഓകെയായി എന്നാണ്‌. സാധാരണ നടിമാര്‍ക്ക്‌ വേണ്ടിവരുന്ന അത്ര ടേക്കേ ആവശ്യമായി വന്നുള്ളൂവെന്ന്‌ രണ്‍ദീര്‍ മറുപടി നല്‍കി. അത്‌ വിശ്വസിക്കാന്‍ ഋഷി തയ്യാറല്ല. അനില്‍കപൂര്‍ പാര്‍ട്ട്‌ 2 ആണ്‌ ഡിംബിള്‍ എന്നാണ്‌ ഇതിന്‌ ഋഷി നല്‍കുന്ന ന്യായം.
മരുമകന്‍ അക്ഷയ്‌ കപൂറിന്‌ ദേശീയ അവാര്‍ഡിന്‌ അര്‍ഹതയുണ്ടെന്ന്‌ തന്നെയാണ്‌ തന്റെ ഇപ്പോഴത്തേയും വിശ്വാസം. ഡിംബിളിന്റെ മരുമകന്‍ എന്നതുതന്നെയാണ്‌ ഏറ്റവും വലിയ അര്‍ഹതയെന്നും തമാശരൂപേണ ഡിംബിള്‍ പറഞ്ഞു. ഒരു അഭിേനതാവ്‌ എന്ന നിലയിലും മരുമകന്‍ എന്ന നിലയിലും ഏറെ വിജയംകണ്ട വ്യക്തിയാണ്‌ അക്ഷയ്‌ എന്നും അവര്‍ കൂട്ടിച്ചേര്‍ത്തു.
ഇപ്പോഴത്തെ നടിമാരില്‍ പ്രിയങ്ക ചോപ്രയെയാണ്‌ ഏറെ ഇഷ്ടം. കരീന കപുര്‍, താബു എന്നിവരെയും ഇഷ്ടമാണ്‌. നടന്‍മാരില്‍ ഹൃതിക്‌ റോഷന്‌ ഏറെ ഭാവിയുണ്ടെന്നും ഡിംബിള്‍ പറഞ്ഞു.
0 comments:
ഒരു അഭിപ്രായം പോസ്റ്റ് ചെയ്യൂ