സിനിമയില്‍ പാടുന്ന കാര്യത്തില്‍ തനിക്ക്‌ ഏറെ ഭയാശങ്കകള്‍ ഉണ്ടായിരുന്നുവെന്ന്‌ ഹൃതിക്‌ പറയുന്നു. അതിനാലാണ്‌ ഇത്രയും കാലം പാടാന്‍ ലഭിച്ച അവസരങ്ങള്‍ ഒഴിവാക്കിയിരുന്നത്‌. എന്നാല്‍ ചാച്ചയും (രാജേഷ്‌ റോഷന്‍) അനുരാഗും നിര്‍ബന്ധിച്ചപ്പോള്‍ വഴങ്ങാതെ തരമില്ലെന്നായി.
രാജേഷ്‌ റോഷന്‍ സംഗീത സംവിധാനം നിര്‍വഹിച്ച `കൈറ്റ്‌ ഇന്‍ ദ സ്‌കൈ' എന്ന ഗാനമാണ്‌ ഹൃതിക്‌ ആലപിച്ചത്‌. ഈ ഗാനമടക്കമുള്ള ചിത്രത്തിലെ പാട്ടുകളുടെ സി ഡി നാളെ വിപണിയിലെത്തും.
ഈ ഗാനം തന്നെക്കൊണ്ട്‌ കഴിയും വിധം നന്നായും ആത്മാര്‍ത്ഥമായും ആലപിച്ചിട്ടുണ്ട്‌ എന്ന്‌ ഹൃതിക്‌ പറഞ്ഞു. പക്ഷേ പിന്നണിഗായകന്‍ എന്ന മേഖലയില്‍ തുടര്‍ന്നും പ്രവര്‍ത്തിക്കാന്‍ ആഗ്രഹിക്കുന്നില്ലെന്നും അദ്ദേഹം കൂട്ടിച്ചേര്‍ത്തു. അതേസമയം പിന്നണിഗായകന്‍ എന്ന നിലയില്‍ വന്‍ അവസരമാണ്‌ ഹൃതികിനെ കാത്തിരിക്കുന്നത്‌ എന്ന്‌ സംവിധായകന്‍ അനുരാഗ്‌ പറഞ്ഞു.
രാകേഷ്‌ റോഷന്‍ നിര്‍മിക്കുന്ന കൈറ്റ്‌ മെയ്‌ 21 ന്‌ തിയേറ്ററുകളില്‍ എത്തും. മെക്‌സിക്കന്‍ താരം ബാര്‍ബറ മമാറിയാണ്‌ ചിത്രത്തിലെ നായിക.
0 comments:
ഒരു അഭിപ്രായം പോസ്റ്റ് ചെയ്യൂ