ന്യൂഡല്‍ഹി: കിംഗ്‌ഫിഷര്‍ എയര്‍ലൈന്‍സ്‌ രാജ്യതലസ്ഥാനത്തുനിന്നും ലണ്ടനിലേക്ക്‌ നേരിട്ടുള്ള വിമാന സര്‍വീസ്‌ ആരംഭിക്കുന്നു. ഇതടക്കം ഒരുമാസത്തിനിടെ ഏഴ്‌ അന്താരാഷ്‌ട്ര സര്‍വീസുകളാണ്‌ കിംഗ്‌ഫിഷര്‍ തുടങ്ങാന്‍ പോകുന്നത്‌.
ന്യൂഡല്‍ഹിയില്‍നിന്നും ലണ്ടനിലേക്കും അവിടെനിന്നും തിരിച്ചും എല്ലാ ദിവസവും സര്‍വീസ്‌ നടത്തും. ഇതാണ്‌ ഡല്‍ഹിയില്‍നിന്നുള്ള കിംഗ്‌ഫിഷറിന്റെ ആദ്യ അന്താരാഷ്‌ട്ര വിമാന സര്‍വീസ്‌ എന്ന്‌ ചെയര്‍മാനും സി ഇ ഒയുമായ വിജയ്‌ മല്ല്യ ചുണ്ടിക്കാട്ടി. എ 330 എയര്‍ബസുകളാണ്‌ സര്‍വീസിന്‌ ഉപയോഗിക്കുന്നത്‌.
പുതിയ സര്‍വീസുകളില്‍ നാല്ലെണ്ണം ന്യൂഡല്‍ഹിയില്‍നിന്നും മൂന്നെണ്ണം മുംബൈയില്‍നിന്നുമായിരിക്കും പുറപ്പെടുക. ബാങ്കോക്ക്‌, ദുബായ്‌, ഹോങ്കോങ്‌, കാഠ്‌മണ്ഡു എന്നിവിടങ്ങളിലേക്ക്‌ ന്യൂഡല്‍ഹിയില്‍നിന്നും ബാങ്കോക്ക്‌, ദുബായ്‌, കാഠ്‌മണ്ഡു എന്നിവിടങ്ങളിലേക്ക്‌ മുംബൈയില്‍നിന്നും സര്‍വീസ്‌ തുടങ്ങും.
0 comments:
ഒരു അഭിപ്രായം പോസ്റ്റ് ചെയ്യൂ