ഈവര്‍ഷം ആദ്യ രണ്ടര മാസത്തിനുള്ളില്‍തന്നെ അമേരിക്കയില്‍ അടച്ചുപൂട്ടിയ ബാങ്കുകളുടെ എണ്ണം 30 ആണ്‌. അതുപോലെ മിക്ക കമ്പനികളും തങ്ങളുടെ സി ഇ ഒമാരുടെ ബോണസില്‍ 22 ശതമാനം കുറവും വരുത്തിക്കഴിഞ്ഞു.
കഴിഞ്ഞ 12 ന്‌ മാത്രം 4 ബാങ്കുകള്‍ക്കാണ്‌ അമേരിക്കയില്‍ പൂട്ടുവീണത്‌. പാര്‍ക്ക്‌ അവന്യൂ ബാങ്ക്‌, സ്‌റ്റേറ്റ്‌വൈഡ്‌ ബാങ്ക്‌, ഓള്‍ഡ്‌ സതേണ്‍ ബാങ്ക്‌, ലിബര്‍ട്ടി പോയിന്റ്‌ ബാങ്ക്‌ എന്നിവയാണ്‌ പ്രവര്‍ത്തനം അവസാനിപ്പിച്ചത്‌. ഈ മാസം തുടക്കത്തില്‍ ഏഴ്‌ ബാങ്കുകള്‍ അടച്ചുപൂട്ടിയിരുന്നു. ഇതോടെ ആഗോള സാമ്പത്തിക പ്രതിസന്ധി തുടങ്ങിയശേഷം അമേരിക്കയില്‍ തകര്‍ന്നുവീണ ബാങ്കുകളുടെ എണ്ണം 184 ആയി ഉയര്‍ന്നു.
രാജ്യത്തെ 180 പ്രമുഖ സ്വകാര്യ കമ്പനികളില്‍ നടന്ന ഒരു പഠനത്തിലാണ്‌ സി ഇ ഒമാരുടെ ബോണസില്‍ ശരാശരി 22 ശതമാനത്തിന്റെ കുറവ്‌ വരുത്തിയതായി കണ്ടെത്തിയിട്ടുള്ളത്‌. 2008 ല്‍ 882,105 ഡോളര്‍ ആയിരുന്നു ഈ കമ്പനികള്‍ ബോണസ്‌ ആയി നല്‍കിയതെങ്കില്‍ 2009 ല്‍ ഇത്‌ 689,000 ഡോളറായി ചുരുങ്ങി. സര്‍വീസ്‌ മേഖലയില്‍ 20.8 ശതമാനത്തിന്റെയും ആരോഗ്യമേഖലയില്‍ 14.7 ശതമാനത്തിന്റെയും കുറവാണ്‌ ഉണ്ടായിട്ടുള്ളത്‌. അതേസമയം ധനകാര്യ, സാങ്കേതിക സ്ഥാപനങ്ങളിലെ സി ഇ ഒ മാര്‍ട്ട്‌ 51 മുതല്‍ 59 ശതമാനംവരെ വരുമാന നഷ്ടമാണ്‌ ബോണസ്‌ വെട്ടിക്കുറച്ചതിലൂടെ ഉണ്ടായത്‌.
0 comments:
ഒരു അഭിപ്രായം പോസ്റ്റ് ചെയ്യൂ