മലയാള സിനിമയിലെ ഒരു വിഭാഗത്തിന്റെ ധാര്ഷ്ട്യവും ഭരണഘടനാതീതമായി പ്രവര്ത്തിക്കാനുള്ള ചില സംഘടനകളുടെ പരിശ്രമവുമാണ് ഈ സംഭവത്തിലൂടെ പുറത്താകുന്നത്. വിനയന് സംവിധാനം ചെയ്ത ഒരു ചിത്രത്തില് അഭിനയിച്ചതിനാലാണ് തിലകനടക്കമുള്ള നടന്മാര്ക്കെതിരെ ഫെഫ്കയും അമ്മയും ഉപരോധ ഭീഷണി മുഴക്കുന്നത്.
ഈ ചിത്രത്തിന്റെ നിര്മാണത്തിന്റെ വിവിധ ഘട്ടങ്ങളില് ടെക്നീഷ്യന്മാരെയും കലാകാരന്മാരെയും ഭീഷണിപ്പെടുത്തി പിന്തിരിപ്പിക്കാനുള്ള ശ്രമവും പ്രൊഡ്യൂസേഴ്സ് അസോസിയേഷനും ഫെഫ്ക്കയും ചേര്ന്ന് നടത്തിയതായും കാനം രാജേന്ദ്രന് കുറ്റപ്പെടുത്തി.
ഇത്തരം സംഭവങ്ങള് തൊഴില് മന്ത്രിയുടെ സാന്നിധ്യത്തില് നടന്ന ഒത്തുതീര്പ്പ് ചര്ച്ചയുടെ പൊതുധാരണയ്ക്കെതിരാണ്. ഫെഫ്കയെ അംഗീകരിച്ചാല് മാത്രമെ തൊഴിലെടുക്കാനനുവദിക്കൂ എന്ന സാഹചര്യം സൃഷ്ടിക്കുകയാണ് ഇവരുടെ ശ്രമം. തൊഴില് നിയമങ്ങള്ക്ക് വിരുദ്ധമായ ഇത്തരം നിലപാടുകള് സ്വീകരിക്കുന്നവര്ക്കെതിരെ സര്ക്കാര് കര്ശന നടപടി സ്വീകരിക്കണമെന്നും കാനം രാജേന്ദ്രന് ആവശ്യപ്പെട്ടു. ഫെഡറേഷന് വര്ക്കിംഗ് പ്രസിഡന്റ് സി രാധാകൃഷ്ണനും വാര്ത്താസമ്മേളനത്തില് പങ്കെടുത്തു.
0 comments:
ഒരു അഭിപ്രായം പോസ്റ്റ് ചെയ്യൂ