ഗ്രാന്റ്‌ കേരള ഷോപ്പിംഗ്‌ ഫെസ്റ്റിവലിന്റെ ചരിത്രത്തില്‍ ഇന്നുവരെയില്ലാത്ത മുന്നേറ്റമാണ്‌ രജിസ്‌ട്രേഷനില്‍ കൈവരിച്ചിരിക്കുന്നത്‌. ജില്ലാ വ്യവസായ കേന്ദ്രങ്ങള്‍ നടത്തിയ ഭാവനാ പൂര്‍ണമായ പ്രവര്‍ത്തന ഏകോപനങ്ങളിലൂടെയാണ്‌ ഈ നേട്ടം കൈവരിക്കാന്‍ കഴിഞ്ഞതെന്ന്‌ ഫെസ്റ്റിവല്‍ ഡയറക്‌ടര്‍ കെ എന്‍ സതീഷ്‌ പറഞ്ഞു.
അംഗങ്ങളാകാന്‍ സാധിക്കാത്ത വ്യാപാര സ്ഥാപനങ്ങള്‍ക്ക്‌ 25 വരെ ഫെസ്റ്റിവല്‍ ഡയറക്‌ടറേറ്റില്‍ നേരിട്ട്‌ രജിസ്റ്റര്‍ ചെയ്യാനുള്ള സൗകര്യം ഒരുക്കിയിട്ടുണ്ട്‌. നാളേയ്‌ക്കു ശേഷം അംഗങ്ങളാവുന്ന വ്യാപാര സ്ഥാപനങ്ങള്‍ക്ക്‌ അംഗത്വ തുകയുടെ അഞ്ച്‌ ശതമാനം ലേറ്റ്‌ ഫീസ്‌ ഏര്‍പ്പെടുത്തിയിട്ടുണ്ട്‌. ഇത്തരത്തില്‍ അംഗങ്ങളാകുന്ന വ്യാപാര സ്ഥാപനങ്ങള്‍ ഡയറക്‌ടര്‍, ഗ്രാന്റ്‌ കേരള ഷോപ്പിംഗ്‌ ഫെസ്റ്റിവല്‍ എന്ന വിലാസത്തില്‍ തിരുവനന്തപുരത്ത്‌ മാറാന്‍ കഴിയുന്ന തരത്തില്‍ ഡി ഡിയെടുത്ത്‌ ഫെസ്റ്റിവല്‍ ഡയറക്‌ടറേറ്റുമായി ബന്ധപ്പെടണമെന്ന്‌ ഡയറക്‌ടര്‍ കെ എന്‍ സതീഷ്‌ പറഞ്ഞു.
0 comments:
ഒരു അഭിപ്രായം പോസ്റ്റ് ചെയ്യൂ