എമിറേറ്റ്‌സ്‌ വിമാനസമയത്തില്‍ മാറ്റം; സ്‌പൈസ്‌ ജെറ്റിന്‌ ഒരു സര്‍വീസ്‌ കൂടി

കൊച്ചി: എമിറേറ്റ്‌സ്‌ എയര്‍ലൈന്‍സിന്റെ കൊച്ചിയില്‍ നിന്നുള്ള സര്‍വീസുകളുടെ സമയം ഇന്നു മുതല്‍ മാറും. 2010 മാര്‍ച്ച്‌ 27 വരെ എല്ലാ ദിവസവും ഇ കെ 530 വിമാനം പുലര്‍ച്ചെ 2.45 നു ദുബായില്‍ നിന്നു പുറപ്പെട്ടു രാവിലെ എട്ടിന്‌ കൊച്ചിയിലെത്തും. ഇ കെ 531 രാവിലെ 9.30 നു കൊച്ചിയില്‍ നിന്നു പുറപ്പെട്ട്‌ ഉച്ചയ്‌ക്ക്‌ 12 നു ദുബായിലെത്തും.
ഇ കെ 532 ദുബായില്‍ നിന്നു പുറപ്പെടുന്നത്‌ രാത്രി 10.05 നാണ്‌. പുലര്‍ച്ചെ 3.20 നു കൊച്ചിയിലെത്തും. ഇ കെ 533 പുലര്‍ച്ചെ 4.35 നു പുറപ്പെട്ട്‌ രാവിലെ 7.05 നു ദുബായിലെത്തും. സമയ മാറ്റത്തോടൊപ്പം ചെക്‌ - ഇന്‍ സമയം നേരത്തെ ആക്കി. വിമാനം പുറപ്പെടുന്നതിനു മൂന്നര മണിക്കൂര്‍
മുന്‍പ്‌ തന്നെ ചെക്‌ - ഇന്‍ തുടങ്ങി പുറപ്പെടുന്നതിന്‌ അര മണിക്കൂര്‍ മുന്‍പ്‌ ചെക്‌ - ഇന്‍ നടപടികള്‍ അവസാനിപ്പിക്കും.
സ്‌പൈസ്‌ ജെറ്റ്‌ കൊച്ചിയില്‍ നിന്ന്‌ ഒരു പ്രതിവാര സര്‍വീസ്‌ കൂടി തുടങ്ങുന്നു. എല്ലാ ചൊവ്വാഴ്‌ചയും രാവിലെ 11.30 ന്‌ പുറപ്പെട്ട്‌ ഉച്ചയ്‌ക്കു ശേഷം 2.45 ന്‌ ഡല്‍ഹിയിലെത്തും. ഡല്‍ഹിയില്‍ നിന്ന്‌ 1.35 ന്‌ പുറപ്പെടുന്ന വിമാനം വൈകിട്ട്‌ 4.50 ന്‌ കൊച്ചിയിലെത്തും.