ധനലക്ഷമി ബാങ്കിന്‌ 16.38 കോടി ലാഭം

കൊച്ചി: സെപ്‌റ്റംബര്‍ 30 ന്‌ അവസാനിച്ച ആദ്യ പകുതിയില്‍ ധനലക്ഷ്‌മി ബാങ്ക്‌ മൊത്തം വരുമാനത്തില്‍ 37.8% വളര്‍ച്ച നേടി. ഇത്‌ 286.72 കോടിയിലെത്തി.
അറ്റാദായം ഇതേ കാലയളവില്‍ 16.38 കോടി രൂപയാണ്‌. മുന്‍വര്‍ഷം ഇതേ കാലയളവില്‍ ഇത്‌ 18.30 കോടി രൂപയായിരുന്നു. 10.49 ശതമാനത്തിന്റെ ഇടിവ്‌. മൊത്തം നിക്ഷേപം 43.02 ശതമാനം കൂടി 5629.41 കോടിയിലെത്തി. ഇതേകാലയളവില്‍ മൊത്തം വായ്‌പ 2549.36 കോടിയില്‍ നിന്ന്‌ 58.98% വളര്‍ച്ചയോടെ 4053.07 കോടി രൂപയായി. അറ്റ നിഷ്‌ക്രിയ ആസ്‌തി 0.91 ശതമാനത്തില്‍ നിന്ന്‌ 0.86 ശതമാനമായി കുറഞ്ഞു.