വിവിധ വ്യാപാരി സംഘടനകളുടെ അഭ്യര്ത്ഥന മാനിച്ച് ഇളവ് 25 വരെ നീട്ടാന് സംഘാടകര് തീരുമാനിക്കുകയായിരുന്നു. കഴിഞ്ഞ രണ്ടു സീസണുകളെക്കാള് അധികം വ്യാപാര സ്ഥാപനങ്ങള് ഇതിനോടകം തന്നെ ഇളവ് വിനിയോഗിച്ച് ഫെസ്റ്റിവലില് അംഗങ്ങളായിക്കഴിഞ്ഞു. എല്ലാ ജില്ലകളിലും കഴിഞ്ഞ വര്ഷത്തേക്കാള് പങ്കാളിത്തം ഈ വര്ഷത്തെ ഫെസ്റ്റിവലിനുണ്ടാകും.
എറണാകുളം, തൃശൂര്, കൊല്ലം, കോട്ടയം, മലപ്പുറം, കോഴിക്കോട് ജില്ലകളിലാണ് ഏറ്റവും കൂടുതല് വ്യാപാരികള് ഫെസ്റ്റിവലില് പങ്കാളിത്തം ഉറപ്പിച്ചിട്ടുള്ളത്. ഫെസ്റ്റിവലിന്റെ ഭാഗമായ ആര്ച്ചുകളും മറ്റ് അലങ്കാര വസ്തുക്കള് സ്ഥാപനങ്ങളില് എത്തിക്കുന്നതിനും സ്ക്രാച്ച് ആന്ഡ് വിന് കൂപ്പണുകള് എല്ലാ ജില്ലകളിലും എത്തിക്കുന്നതുമായ പ്രവര്ത്തനങ്ങള് ക്രോഡീകരിക്കുന്നതിന്റെ ഭാഗമായി കഴിഞ്ഞ രണ്ടു സീസണുകളില് നിന്നും വ്യത്യസ്തമായി നവംബര് 15 വരെ മാത്രമേ രജിസ്ട്രേഷന് അനുവദിക്കൂ.
ഫെസ്റ്റിവലിന്റെ ഭാഗമായ വ്യാപാര സ്ഥാപനങ്ങള്ക്ക് യാതൊരു ബുദ്ധിമുട്ടുമില്ലാതെ മേല്പറഞ്ഞവ ലഭിക്കുന്നതിനായാണ് ഇതെന്ന് ഫെസ്റ്റിവല് ഡയറക്ടര് കെ എന് സതീഷ് വാര്ത്താക്കുറിപ്പില് പറഞ്ഞു. ഇളവ് അവസാനിക്കുന്ന ഇന്ന് എല്ലാ ജില്ലകളിലെയും ജില്ലാ വ്യവസായ കേന്ദ്രങ്ങളില് പ്രത്യേക രജിസ്ട്രേഷന് സെല് പ്രവര്ത്തിക്കും.
0 comments:
ഒരു അഭിപ്രായം പോസ്റ്റ് ചെയ്യൂ