ടോക്കിയോ: ലോകത്ത്‌ ആദ്യമായി ഇലക്‌ട്രിക്‌ ബ്രഡ്‌ മേക്കര്‍ പുറത്തിറങ്ങി. `ഗോപന്‍' എന്ന്‌ പേരിട്ടിട്ടുള്ള ഈ ബ്രഡ്‌മേക്കര്‍ ജപ്പാനിലെ സാനിയോ ഇലക്‌ട്രിക്‌ കമ്പനിയാണ്‌ പുറത്തിറക്കിയത്‌. അധികം വൈകാതെ ഗോപന്‍ വിപണിയിലെത്തും. ബ്രഡ്‌ ഉണ്ടാക്കാനാവശ്യമായ വിഭവങ്ങള്‍ ഈ മേക്കറിനുള്ളില്‍ വച്ചശേഷം ഒരു സ്വീച്ച്‌ അമര്‍ത്തിയാല്‍ മാത്രം മതിയാകും. ഏകദേശം മൂന്നര മണിക്കൂര്‍കൊണ്ട്‌ ഉശിരന്‍ ബ്രെഡ്‌ തയ്യാറാവുമെന്ന്‌ കമ്പനി വൃത്തങ്ങള്‍ അവകാശപ്പെടുന്നു.
അതേസമയം ഈ ബ്രഡ്‌മേക്കറിനോട്‌ സമ്മിശ്ര പ്രതികരണമാണ്‌ ഉപഭോക്താക്കള്‍ക്കിടയിലുള്ളത്‌. ഒരു ബ്രഡ്‌ നിര്‍മിക്കാന്‍ മൂന്നരമണിക്കൂര്‍ വേണമെന്നത്‌ ഊര്‍ജ്ജം പാഴാക്കുന്ന പ്രവൃത്തിയാണെന്നും അതിനെക്കാള്‍ എളുപ്പം മൈക്രോവേവ്‌ ഓവനാണെന്നും ഒരുകൂട്ടര്‍ ചൂണ്ടിക്കാട്ടുന്നു. ഇക്കാര്യത്തില്‍ കമ്പനിയുടെ ഭാഗത്തുനിന്നും കൂടുതല്‍ വിശദീകരണം ഉണ്ടാകുമെന്ന പ്രതീക്ഷയിലാണ്‌ അവര്‍.
0 comments:
ഒരു അഭിപ്രായം പോസ്റ്റ് ചെയ്യൂ