സ്‌റ്റക്‌സ്‌നെറ്റ്‌ എന്ന പുതിയ വൈറസ്‌ ചൈനയിലെ പ്രമുഖ ഫാക്ടറികളുടെ കംപ്യൂട്ടറുകളെയാണ്‌ ലക്ഷ്യം വച്ചിരിക്കുന്നത്‌. ജൂണ്‍ പകുതിയോടെയാണ്‌ ഈ വൈറസിന്റെ ആക്രമണം ആദ്യം കണ്ടെത്തിയത്‌. വ്യാവസായ സ്ഥാപനങ്ങളിലെ കംപ്യുട്ടര്‍ നെറ്റ്‌വര്‍ക്കിന്റെ പ്രവര്‍ത്തനം താറുമാറാക്കുകയാണ്‌ ഈ വൈറസ്‌ ചെയ്യുന്നത്‌. കമ്പനിയുടെ ഔദ്യോഗിക രഹസ്യവിവരങ്ങള്‍ ചോര്‍ത്തിയെടുക്കുകയും ചെയ്യുന്നു.
സിമെന്‍സ്‌ സിസ്‌റ്റമിനെയാണ്‌ ഈ വൈറസ്‌ പ്രധാനമായും ആക്രമിക്കുന്നത്‌. ഈ വൈറസ്‌ ബാധിച്ച കമ്പനികള്‍ തകര്‍ച്ചനേരിടേണ്ടിവരുമെന്നും അത്‌ രാജ്യത്തിന്റെ സമ്പദ്‌ വ്യവസ്ഥയെ പ്രതികൂലമായി ബാധിക്കുമെന്നും ബിജിംഗ്‌ ഹെഡ്‌ക്വാര്‍ട്ടേഴ്‌സിലെ എന്‍ജിനീയര്‍ വാങ്‌ മുന്നറിയിപ്പ്‌ നല്‍കിയിട്ടുണ്ട്‌.
ഇന്ത്യ, ഇന്തോനേഷ്യ, പാകിസ്ഥാന്‍ എന്നിവിടങ്ങളിലും ഈ വൈറസിനെ കണ്ടെത്തിയിട്ടുണ്ട്‌. കുടുതല്‍ കണ്ടെത്തിയത്‌ ഇറാനിലാണ്‌. മുമ്പ്‌ ഉണ്ടായിരുന്നത്‌ സൈബര്‍ ക്രിമിനലുകളായിരുന്നു. ഇപ്പോഴുള്ളത്‌ സൈബര്‍ ടെററിസ്‌റ്റുകളാണെന്ന്‌ കാസപെര്‍സ്‌കി സെക്യുരിറ്റിയിലെ യൂജീന്‍ കാസ്‌പെര്‍സ്‌കി ഓര്‍മ്മിപ്പിക്കുന്നു.
അതേസമയം ഇപ്പോഴും ചൈനയാണ്‌ ഹാക്കര്‍മാരുടെ പ്രധാന താവളം. മറ്റ്‌ രാജ്യങ്ങളില്‍ ചൈനീസ്‌ ഹാക്കര്‍മാര്‍ ഉണ്ടാക്കുന്ന ബുദ്ധിമുട്ടുകള്‍ കുറവല്ല. എന്നാല്‍ അവസാനം പുറത്തുവന്ന റിപ്പോര്‍ട്ട്‌ അനുസരിച്ച്‌ ഏറ്റവും അധികം സൈബര്‍ ക്രിമിനലുകള്‍ ഉളളത്‌ അമേരിക്കയിലാണ്‌. രണ്ടാം സ്ഥാനമേ ഇക്കാര്യത്തില്‍ ഇപ്പോള്‍ ചൈനയ്‌ക്കുള്ളൂ.
0 comments:
ഒരു അഭിപ്രായം പോസ്റ്റ് ചെയ്യൂ