രാജ്യസുരക്ഷയ്‌ക്ക്‌ ഭീഷണിയായതിനാലാണ്‌ ബ്ലാക്ക്‌ബെറി നിരോധിക്കാന്‍ യു എ ഇ, സൗദി അറേബ്യ രാജ്യങ്ങള്‍ തീരുമാനിച്ചത്‌. തങ്ങളുടെ സുരക്ഷാ ഉദ്യോഗസ്ഥര്‍ക്ക്‌ നിരീക്ഷിക്കാന്‍ അവസരം ലഭിക്കാത്ത വിധത്തിലാണ്‌ ബ്ലാക്ക്‌ബെറിയുടെ ഓണ്‍ലൈന്‍ സേവനങ്ങള്‍. ഒരു മെയില്‍ പരിശോധിക്കേണ്ടി വന്നാല്‍ അതിനുപോലും സാധ്യമാകാത്ത അവസ്ഥ.
ഒക്‌ടോബര്‍ മുതല്‍ ബ്ലാക്ക്‌ ബെറിയുടെ സേവനം ഈ രാജ്യങ്ങളില്‍ ലഭ്യമാകില്ല. ഇത്‌ സംബന്ധിച്ച്‌ ബ്ലാക്ക്‌ബെറി ഉപഭോക്താക്കള്‍ക്കും ഇന്റര്‍നെറ്റ്‌ ഹബ്‌ ഉടമകള്‍ക്കും ഉടന്‍ അറിയിപ്പ്‌ നല്‍കും.
ബ്ലാക്ക്‌ബെറിയുടെ സര്‍വര്‍ ഇപ്പോള്‍ കാനഡയില്‍ മാത്രമാണുള്ളത്‌. മറ്റ്‌ രാജ്യങ്ങളിലും സര്‍വര്‍ സ്ഥാപിക്കണമെന്നും ആവശ്യമുള്ളപ്പോള്‍ അത്‌ പരിശോധനയ്‌ക്ക്‌ വിധേയമാക്കുന്നതിനുള്ള സംവിധാനം ഉണ്ടാക്കണമെന്നുമാണ്‌ ഇന്ത്യയുള്‍പ്പെടെയുള്ള രാജ്യങ്ങള്‍ കുറേക്കാലമായി ആവശ്യപ്പെടുന്നത്‌. ആവശ്യങ്ങള്‍ അംഗീകരിക്കുന്നുവെന്ന്‌ ഉറപ്പു പറയുന്ന ബ്ലാക്ക്‌ബെറി അധികൃതര്‍ പക്ഷേ അത്‌ നടപ്പിലാക്കുന്നതില്‍ അമാന്തം കാട്ടുകയാണ്‌.
2 comments:
അതു നന്നായി... എനിക്ക് സന്തോഷമായി...കാരണം ഞാൻ കുറെ കാലമായി ഒന്നു വാങ്ങണമെന്നു നിരീയ്ക്കുന്നു...പനമില്ല... ഇനി ഇപ്പൊ അതു വാങ്ങണ്ടല്ലോ!!!!!!!!!
അപ്പോള്‍ ബിഎസ്എന്‍എല്ലിന്റെ ത്രീ ജീ ആവും നല്ലത്.
ഒരു അഭിപ്രായം പോസ്റ്റ് ചെയ്യൂ