ലോസ്‌ ആഞ്ചല്‍സ്‌: ഐഫോണ്‍ തലവന്‍ മാര്‍ക്ക്‌ പേപ്പര്‍മാസ്‌റ്റര്‍ ഒടുവില്‍ ആപ്പിളിന്റെ പടിയിറങ്ങി. പിരിച്ചുവിടലാണോ സ്വയം പിരിഞ്ഞതാണോ എന്ന്‌ വ്യക്തമല്ല. ആപ്പിള്‍ അടുത്തിടെ പുറത്തിറക്കിയ ഐഫോണ്‍ 4 ല്‍ വ്യാപകമായി ആന്റിന തകരാര്‍ കണ്ടെത്തിയ സാഹചരയത്തിലാണ്‌ ഐഫോണ്‍ സോഫ്‌ട്‌വെയര്‍ വിഭാഗം തലവന്‍ മാര്‍ക്കിന്‌ കമ്പനി വിടേണ്ടിവന്നത്‌. ഐഫോണിലൂടെ ആപ്പിളിന്‌ ലോകത്താകമാനം വന്‍ വിറ്റവരവ്‌ നേടിക്കൊടുത്തത്‌ മാര്‍ക്കായിരുന്നു.
മാര്‍ക്കിന്റെ വിടവാങ്ങല്‍ കമ്പനിവൃത്തങ്ങള്‍ ശരിവച്ചിട്ടുണ്ട്‌. മാര്‍ക്ക്‌ ഞങ്ങളെ വിട്ടുപോകുകയാണ്‌. ബോബ്‌ മാന്‍സ്‌ഫീല്‍ഡാകും ഇനിമുതല്‍ ഐഫോണ്‍ വിഭാഗം തലവനെന്ന്‌ കമ്പനി വക്താവ്‌ പറഞ്ഞു. അതേസമയം ഇതേക്കുറിച്ച്‌ പ്രതികരിക്കാന്‍ മാര്‍ക്ക്‌ തയ്യാറായിട്ടില്ല.
0 comments:
ഒരു അഭിപ്രായം പോസ്റ്റ് ചെയ്യൂ