വിജയുമായി ലിംഗുസ്വാമി ആറുമാസം മുമ്പ്‌ ഒരു സിനിമയെടുക്കുന്നതിനെക്കുറിച്ച്‌ ചര്‍ച്ചചെയ്‌തിരുന്നു. പറ്റിയ തിരക്കഥയുമായി വന്നാല്‍ തീര്‍ച്ചയായും അദ്ദേഹത്തിന്റെ ചിത്രത്തില്‍ അഭിനയിക്കാമെന്ന്‌ വിജയ്‌ ഉറപ്പും നല്‍കിയിരുന്നു. പക്ഷേ അത്‌ ലിംഗുസ്വാമി ഇപ്പോള്‍ ചെയ്യുന്ന ചിത്രമല്ലെന്ന്‌ വിജയുടെ അടുത്ത സുഹൃത്തുക്കള്‍ പറഞ്ഞു.
ഈ സിനിമയുടെ തിരക്കഥ ചിമ്പുവിനെ മുന്നില്‍കണ്ട്‌ തയ്യാറാക്കിയതാണ്‌. അത്‌ വിജയ്‌ക്ക്‌ ചേരില്ല. മാത്രമല്ല ഒരുസമയം ഒന്നോ രണ്ടോ ചിത്രങ്ങളില്‍ മാത്രമേ വിജയ്‌ അഭിനയിക്കുകയുമുള്ളൂ. നിലവില്‍ കാവല്‍ കാതല്‍, വേലായുധം എന്നീ ചിത്രങ്ങളില്‍ അഭിനയിക്കുകയാണ്‌. ഇതിന്റെകൂടെ ഒരു ചിത്രംകൂടി ചെയ്യാന്‍ വിജയ്‌ക്ക്‌ കഴിയില്ലെന്നും അവര്‍ ചുണ്ടിക്കാട്ടുന്നു.
ഏതായാലും തന്റെ പുതിയ ചിത്രത്തില്‍നിന്നും ചിമ്പുവിനെ ഒഴിവാക്കിയതായി ലിംഗുസ്വാമി പറഞ്ഞു. പുതിയ നായകനെ രണ്ട്‌ ദിവസത്തിനകം പ്രഖ്യാപിക്കും. ഇതിന്റെ ചര്‍ച്ചകള്‍ നടന്നുവരുകയാണെന്നും ലിംഗുസ്വാമി അറിയിച്ചു.
0 comments:
ഒരു അഭിപ്രായം പോസ്റ്റ് ചെയ്യൂ