ഏറ്റവും കൂടുതല്‍ ബിയര്‍ വില്‌പന നടന്നത്‌ മേയ്‌ മാസത്തിലാണ്‌, 72,488 കിലോലിറ്റര്‍. കുറവ്‌ ഏപ്രില്‍ മാസത്തിലും, 66,660 കിലോലിറ്റര്‍. മാര്‍ച്ചില്‍ 68,367 കിലോലിറ്റര്‍ ബിയറാണ്‌ വിറ്റുപോയത്‌. കഴിഞ്ഞവര്‍ഷം മാര്‍ച്ചില്‍ 53,369 കിലോലിറ്ററും ഏപ്രിലില്‍ 50,549 കിലോലിറ്ററും മേയില്‍ 56,197 കിലോലിറ്ററും ബിയര്‍ ആണ്‌ വിറ്റുപോയത്‌.
ഈ സാമ്പത്തിക വര്‍ഷത്തിന്റെ ആദ്യപാദത്തില്‍ ബിയര്‍ വില്‌പനയില്‍ 25 ശതമാനം വര്‍ധന വന്നുകഴിഞ്ഞതായി യു ബി ഗ്രൂപ്പിന്റെ ബിയര്‍ ഡിവിഷന്‍ ഡെപ്യൂട്ടി പ്രസിഡന്റ്‌ ശേഖര്‍ രാമമൂര്‍ത്തി പറയുന്നു. ഉത്തരേന്ത്യയില്‍ ചൂടിന്‌ കാഠിന്യമേറിയതാണ്‌ ഇതിന്‌ കാരണം. അതേസമയം ബിയറിന്റെ ഏറ്റവും വലിയ മാര്‍ക്കറ്റ്‌ ആന്ദ്രാപ്രദേശ്‌ ആണെന്നും അദ്ദേഹം ചൂണ്ടിക്കാട്ടി.
ഇന്ത്യന്‍ ബിയര്‍ വിപണയില്‍ 50 ശതമാനവും യു ബി ഗ്രൂപ്പ്‌ ആണ്‌ കൈയടക്കിവച്ചിരിക്കുന്നത്‌. ദക്ഷിണാഫ്രിക്കന്‍ കമ്പനിയായ സാബ്‌മില്ലര്‍ 25 ശതമാനം വിപണി നേടിയെടുത്തിട്ടുണ്ട്‌. ഒരുവര്‍ഷം 200 മില്ല്യണ്‍കെയ്‌സ്‌ ബിയര്‍ ഇന്ത്യന്‍ വിപണിയില്‍ വിറ്റൊഴിയുന്നുണ്ട്‌.
2 comments:
Is it litre or Kilo litre pls veryfy....
പ്രിയ അജ്ഞാത...
താങ്കളുടെ സംശയം ന്യായം തന്നെയാണ്‌.
അത്‌ കിലോ ലിറ്റര്‍ തന്നെയാണ്‌.
1000 ലിറ്റര്‍ ആണ്‌ ഒരു കിലോ ലിറ്റര്‍
ഒരു അഭിപ്രായം പോസ്റ്റ് ചെയ്യൂ