തമിഴകത്തെ ചില സിനിമാ സംഘടനകള്‍ ഇപ്പോള്‍ തന്നെ അസിനുമായി സഹകരിക്കുന്നില്ല. ഇവരുടെ സമ്മര്‍ദ്ദത്തിന്റെ ഫലമായി അസിനെ കരിമ്പട്ടികയില്‍ ഉള്‍പ്പെടുത്താന്‍ എസ്‌ ഐ എഫ്‌ എ എയും തയ്യാറെടുക്കുന്നുവെന്നാണ്‌ പുതിയ റിപ്പോര്‍ട്ട്‌. വിജയ്‌ നായകനാവുന്ന കാവല്‍ക്കാരന്‍ എന്ന ചിത്രത്തില്‍ നായിക അസിനാണ്‌. മൂന്ന്‌ ഷെഡ്യൂളുകളിലായി ചിത്രീകരിക്കുന്ന ഈ ചിത്രത്തിന്റെ ഭാവി ഇതോടെ അനശ്ചിതത്വത്തിലായി.
സല്‍മാന്‍ ചിത്രം ശ്രീലങ്കയില്‍ ചിത്രീകരിക്കുന്നുവെന്ന്‌ താന്‍ അറിഞ്ഞത്‌ അവസാന നിമിഷം ആണെന്നാണ്‌ അസിന് നല്‍കുന്ന മറുപടി. ആ സമയത്തുതന്നെ ഇതില്‍ തന്റെ ആശങ്ക പ്രകടിപ്പിച്ചിരുന്നു. എന്നാല്‍ ആരും അതിന്‌ ചെവി നല്‍കിയില്ലെന്നും അസിന് പരിതപിക്കുന്നു.
അവിടെ ഷൂട്ടിംഗ്‌ നടന്നതിന്‌ എന്നെ ചില തമിഴ്‌ സംഘടനകള്‍ ടാര്‍ജറ്റ്‌ ചെയ്യുന്നതില്‍ നല്ല വിഷമമുണ്ട്‌. എന്തിനാണ്‌ എന്നെ മാത്രം ഇതില്‍ കുറ്റപ്പെടുത്തുന്നത്‌. സല്‍മാന്‍ ചിത്രമായ റെഡ്ഡിയുടെ സൈറ്റായി പരിഗണിച്ചിരുന്നത്‌ മൗറീഷ്യസ്‌, തായ്‌ലാന്‍ഡ്‌, ഗോവ എന്നിവടങ്ങളെയായിരുന്നു. പിന്നീടാണ്‌ ലൊക്കേഷന്‍ ശ്രീലങ്കയിലേക്ക്‌ മാറ്റിയത്‌.
ഇത്‌ ഞാന്‍ അറിഞ്ഞത്‌ അവസാന നിമിഷവും. ചിത്രത്തിന്റെ നിര്‍മാതാവിനെയും സംവിധായകനേയും തന്റെ ആശങ്ക അറിയിച്ചു. പക്ഷേ എല്ലാം സെറ്റുചെയ്‌തുകഴിഞ്ഞിട്ട്‌ ലൊക്കേഷന്‍ മാറ്റിയാല്‍ ഉണ്ടാകുന്ന നഷ്ടമായിരുന്നു അവര്‍ക്ക്‌ പറയാനുണ്ടായിരുന്നതെന്നും അസിന് പറയുന്നു.
0 comments:
ഒരു അഭിപ്രായം പോസ്റ്റ് ചെയ്യൂ