കഴിഞ്ഞ കുറച്ചുനാളായി സിന്ധു അമേരിക്കയിലേക്കും യു കെയിലേക്കും സ്ഥിരം പോയിവരുകയാണ്‌, ഇനിയും പേരിട്ടിട്ടില്ലാത്ത ചിത്രത്തിന്റെ അണിയറ പ്രവര്‍ത്തനങ്ങള്‍ക്കായി.
തനിക്ക്‌ ഹോളിവുഡില്‍ നിന്നും ആദ്യം ക്ഷണം ലഭിച്ചത്‌ 2007 ഒക്‌ടോബറില്‍ ആണെന്ന്‌ സിന്ധു പറയുന്നു. രണ്ടാമത്തെ ചിത്രത്തിന്റെ കടലാസു ജോലികള്‍ നടന്നുവരുന്നതേയുള്ളൂ. ജൂലൈയോടെ അത്‌ പൂര്‍ത്തിയാവും.
ബ്രാഡ്‌ പീറ്റര്‍ സംവിധാനം ചെയ്യുന്ന ചിത്രമാണ്‌ ആദ്യത്തേത്‌. ഒരു ഇംഗ്ലീഷ്‌കാരനെ പ്രണയിക്കുന്ന ഇന്ത്യന്‍ വനിതയുടെ കഥയാണ്‌ ഈ ചിത്രത്തില്‍ പറയുന്നത്‌. പ്രണയവും അതിനെതുടര്‍ന്ന വ്യക്തി ജീവിതത്തില്‍ ഉണ്ടാകുന്ന പ്രശ്‌നങ്ങളും ഇതില്‍ ചിത്രീകരിക്കുന്നു. ഒരു സ്‌ത്രീയുടെ പ്രണയത്തിനായി പുരുഷന്‍ എന്തുമാത്രം വിട്ടുവീഴ്‌ച കാണിക്കുന്നുവെന്നും ഈ സിനിമ കാട്ടിത്തരുന്നുണ്ട്‌. more...
ചിത്രത്തില്‍ നായിക വേഷമാണ്‌ സിന്ധു മേനോന്. 15 ദിവസത്തെ ചിത്രീകരണം കഴിഞ്ഞു. സംവിധായകന്റെ ആഗ്രഹത്തിനൊത്തുള്ള അഭിനയം കാഴ്‌ചവയ്‌ക്കാന്‍ തനിക്ക്‌ കഴിഞ്ഞതായി സിന്ധു മേനോന് പറഞ്ഞു. ആദ്യം ഓഫര്‍ ലഭിച്ചപ്പോള്‍ താന്‍ അത്ഭുതപ്പെട്ടുപോയി. എന്റെ സിനിമകള്‍ ഇവരാരും കണ്ടിട്ടില്ല. എന്നിട്ടും ക്ഷണം ലഭിക്കുകയായിരുന്നു. എന്റെ ഫോട്ടോകള്‍ കണ്ടാണ്‌ അവര്‍ ഓഫര്‍ നല്‍കിയത്‌. ഈ സിനിമയ്‌ക്കായി വണ്ണം കുറയ്‌ക്കല്‍ യത്‌നത്തിലാണ്‌ സിന്ധു ഇപ്പോള്‍.
ഹോളിവുഡില്‍ അവസരം ലഭിച്ചതോടെ ഇന്ത്യന്‍ സിനിമയില്‍നിന്നും സിന്ധു ഒഴിഞ്ഞുമാറിയെന്നൊന്നും കരുതേണ്ടതില്ല. നിലവില്‍ രണ്ട്‌ തെലുങ്ക്‌ ചിത്രങ്ങളില്‍ അഭിനയിക്കുന്നുണ്ട്‌. ഒരു തമിഴ്‌ സിനിമയുടെ പിന്നണി പ്രവര്‍ത്തനങ്ങള്‍ നടന്നുവരുന്നു.
ഇതൊക്കെയാണെങ്കിലും സിന്ധു ഇതുവരെ കന്നഡ ചിത്രത്തില്‍ അഭിനയിച്ചിട്ടില്ല. ബാലതാരമായി കന്നഡ ചിത്രത്തിലൂടെയാണ്‌ സിന്ധു ചലച്ചിത്ര ലോകത്ത്‌ എത്തുന്നത്‌. എന്നിട്ടും മുതിര്‍ന്നശേഷം കന്നഡയില്‍നിന്നും ഒഴിഞ്ഞുനില്‍ക്കുകയാണ്‌ ബംഗലൂരു നിവാസിയായ സിന്ധു. കന്നഡയില്‍ എല്ലാവര്‍ക്കും മുന്നില്‍ താനിപ്പോഴും കുട്ടിയാണെന്നാണ്‌ ഇതിന്‌ സിന്ധു നല്‍കുന്ന ന്യായം.
0 comments:
ഒരു അഭിപ്രായം പോസ്റ്റ് ചെയ്യൂ