കോര്‍പറേറ്റ്‌ മേഖലയില്‍ തട്ടിപ്പ്‌ പെരുകുന്നു

മുംബൈ: കോര്‍പറേറ്റ്‌ മേഖലയില്‍ തട്ടിപ്പ്‌ ക്രമാതീതമായി പെരുകുകയാണെന്ന്‌ സര്‍വെ റിപ്പോര്‍ട്ട്‌. മുംബൈയിലെ കണ്‍സള്‍ട്ടന്‍സി സ്ഥാപനമായ കെ പി എം ജി നടത്തിയ നാല്‌ വ്യത്യസ്ഥ പഠനങ്ങളിലാണ്‌ ഈ കണ്ടെത്തല്‍. പൊതുമേഖലയെേന്നാ സ്വകാര്യ മേഖലയെന്നോ ഉള്ള വ്യാത്യാസമില്ലാതെതന്നെ തട്ടിപ്പുകള്‍ പെരുകുന്നതായാണ്‌ റിപ്പോര്‍ട്ടില്‍ പറയുന്നത്‌.
ഈ പഠനങ്ങള്‍ ഏകീകരിച്ച്‌ ഫ്രാഡ്‌ സര്‍വെ റിപ്പോര്‍ട്ട്‌ 2010 ഫോര്‍ ഇന്ത്യ എന്ന റിപ്പോര്‍ട്ടും കെ പി എം ജി പുറത്തിറക്കിയിട്ടുണ്ട്‌. സ്ഥാപനത്തിന്റെ ധനകാര്യ പ്രസ്‌താവനയിലാണ്‌ മിക്കവരും ഏറെ കൃത്രിമങ്ങള്‍ കാണിക്കുന്നതെന്നും കണ്ടെത്തിയിട്ടുണ്ട്‌.
കൈക്കൂലി കൊടുക്കലും വാങ്ങലും വ്യവസായ രംഗത്ത്‌ ഒഴിച്ചുകൂട്ടാനാവാത്ത ഘടകമായാണ്‌ ഇപ്പോള്‍ വിലയിരുത്തപ്പെടുന്നത്‌. നിയപരമായി നടന്നുകാര്യത്തിനുപോലും കൈക്കൂലി നല്‍കുന്നതും വാങ്ങുന്നതും ഈ രംഗത്തുള്ളവര്‍ ശീലമാക്കിയിരിക്കുകയാണെന്നും റിപ്പോര്‍ട്ട്‌ ചൂണ്ടിക്കാട്ടുന്നു.