സാമ്പത്തിക മാന്ദ്യം നേരിടുന്നതിന്റെ ഭാഗമായി പ്രഖ്യാപിച്ച പ്രത്യേക ഭവന വായ്‌പാ പദ്ധതികള്‍ ഈ ബാങ്കുകള്‍ അവസാനിപ്പിച്ചുകഴിഞ്ഞു. ഇത്തരം പദ്ധതികള്‍ക്ക്‌ 2010 ഫെബ്രുവരി വരെയേ പ്രാബല്യമുണ്ടായിരുന്നുള്ളൂവെന്ന്‌ എച്ച്‌ ഡി എഫ്‌ സി വക്താവ്‌ അറിയിച്ചതായി പി ടി ഐ റിപ്പോര്‍ട്ട്‌ ചെയ്യുന്നു.
വാഹന വായ്‌പയില്‍ 50 ബേസിക്‌ പോയിന്റുകളുടെ വര്‍ധനയാണ്‌ ഐ സി ഐ സി ഐ വരുത്തുന്നത്‌. 8.25 ശതമാനം പലിശയ്‌ക്ക്‌ നല്‍കിയിരുന്ന ഭവന വായ്‌പ പദ്ധതികള്‍ പിന്‍വലിച്ചിട്ടുണ്ട്‌. വാഹനവായ്‌പയില്‍ 0.25 മുതല്‍ 0.50 ശതമാനത്തിന്റെ വര്‍ധനയാണ്‌ ബാങ്ക്‌ വരുത്തുന്നത്‌. ഫലത്തില്‍ വാഹനവായ്‌പയുടെ പലിശ 9.75 മുതല്‍ 11 ശതമാനംവരെയായി ഉയരും.
എച്ച്‌ ഡി എഫ്‌ സി വാഹന വായ്‌പയുടെ പലിശയില്‍ 100 ബേസിക്‌ പോയിന്റുകളുടെ വര്‍ധന വരുത്തുന്നുണ്ട്‌. പ്രമുഖ ധനകാര്യസ്ഥാപനമായ കൊഡക്‌ മഹീന്ദ്രയും പലിശ നിരക്കില്‍ വര്‍ധന വരുത്തിയിട്ടുണ്ട്‌.
0 comments:
ഒരു അഭിപ്രായം പോസ്റ്റ് ചെയ്യൂ