ജനപ്രീതി ലഭിക്കാതെ പോയ ഫ്യൂഷന് മോഡലിന്റെ ഉത്പാദനം കമ്പനി അവസാനിപ്പിച്ചിട്ടുണ്ട്. ഫ്യൂഷന് പകരക്കാരനായാണ് ഫിഗോ ഇന്ത്യയില് എത്തുന്നത്. ഫിഗോയുടെ വാണിജ്യാടിസ്ഥാനത്തിലുള്ള ഉത്പാദനം ഫോര്ഡിന്റെ ചെന്നൈ യൂണിറ്റില് ആരംഭിച്ചുകഴിഞ്ഞു. വില സംബന്ധിച്ച് അന്തിമ തീരുമാനമായിട്ടില്ല.
ഫിഗോ കൂടി എത്തുന്നതോടെ ഇന്ത്യയിലെ കാര് വിപണി ഉഷാറാകും എന്നുറപ്പാണ്. നിലവില് കാര് വിപണിയിലെ 70 ശതമാനവും ചെറുകാറുകളുടെ കൈയിലാണ്. ഒരു വര്ഷം 20 മില്ല്യണ് കാറുകള് ഇന്ത്യയില് വില്ക്കപ്പെടുന്നുവെന്നാണ് ഔദ്യോഗിക കണക്കുകള് സൂചിപ്പിക്കുന്നത്. ഇതില് 14 മില്ല്യണും ചെറുകാറുകളാണത്രേ. ഈ വിപണിതന്നെയാണ് ഫോര്ഡിനെയും ഈ രംഗത്ത് ശ്രദ്ധകേന്ദ്രീകരിക്കാന് പ്രേരിപ്പിക്കുന്നത്.
ടാറ്റായുടെ നാനോ തുടങ്ങിവച്ച പുതിയ തരംഗത്തില് പങ്കുചേരാന് മാരുതി, ഷെവര്ലെ, ഹോണ്ടാ, ഹുണ്ടായ് കമ്പനികള് നേരത്തേതന്നെ എത്തിയിട്ടുണ്ട്. അതേസമയം വിലയുടെ കാര്യത്തില് നാനോയുടെ സമീപമെത്താന് മറ്റുകമ്പനികള്ക്കൊന്നും കഴിഞ്ഞിട്ടില്ല. നാനോയുടെ വിലയുടെ ഏകദേശം ഇരട്ടി രൂപയോളമാകും മറ്റ് ചെറുകാറുകളുടെ വില എന്നതുതന്നെ കാരണം.
0 comments:
ഒരു അഭിപ്രായം പോസ്റ്റ് ചെയ്യൂ