യുവിയുമായി പ്രണയമില്ല: കിം

മുംബൈ: ക്രിക്കറ്റര്‍ യുവരാജ്‌ സിംഗുമായി താന്‍ പ്രണയത്തിലല്ലെന്ന്‌ യുവ നടി കിം ശര്‍മ്മ. ഇരുവരും വീണ്ടും പ്രണയിച്ചുതുടങ്ങിയതായുള്ള വാര്‍ത്തകളോട്‌ പ്രതികരിക്കുകയായിരുന്നു കിം. ഞങ്ങള്‍ പ്രണയത്തിലല്ല. അതേസമയം നല്ല സുഹൃത്തുക്കളാണ്‌.
എനിക്ക്‌ പ്രണയമുണ്ട്‌. സ്‌പാനിഷ്‌ ഗായകനായ കാര്‍ലോസ്‌ (മാര്‍ട്ടിന്‍) ആണ്‌ തന്റെ പ്രേമഭാജനം. തങ്ങള്‍ അടുത്തിടെ ഒരു വിമാനത്താവളത്തില്‍ വച്ചാണ്‌ പരിചയപ്പെട്ടത്‌. ഒരുമിച്ച്‌ യാത്ര ചെയ്യുകയും ചെയ്‌തു. ഇപ്പോള്‍ എന്റെ പ്രഭാതങ്ങള്‍ ആരംഭിക്കുന്നതും രാത്രി അവസാനിക്കുന്നതും കാര്‍ലോസിനെ ഫോണില്‍ വിളിച്ച്‌ ആശംസ നേരുന്നതിലൂടെയാണ്‌. വിവാഹം കഴിക്കാന്‍ ഉദ്ദേശമുണ്ടെങ്കിലും അത്‌ ഉടനെയുണ്ടാവില്ല.
യുവരാജുമായുള്ള തന്റെ പ്രണയം കഴിഞ്ഞകഥയാണ്‌. ഇപ്പോള്‍ ഉയരുന്ന റൂമറുകള്‍ക്ക്‌ അധികം ചെവികൊടുക്കേണ്ടതില്ല. അതേസമയം ഞങ്ങള്‍ നല്ല സുഹൃത്തുക്കളുമാണ്‌. തന്റെ ജീവിതത്തില്‍ അദ്ദേഹം ചെയ്യുന്ന എന്തുകാര്യവും നന്നായി തീരട്ടെ എന്ന്‌ ആശംസിക്കുന്നു - കിം പറഞ്ഞു.