കാനഡയിലെ പ്രശ്സത കമ്പനിയായ മാജിക് വുഡ്സിന്റെ ഉടമയാണ് ഇന്ദ്രന്. ഈ കമ്പനിയുടെ ബ്രാന്ഡ് അംബാസഡറാണ് രംഭ. വിവാഹനിശ്ചയ സമ്മാനമായി ഒരു ബി എം ഡബ്ല്യു കാറും രംഭയ്ക്ക് ഇന്ദ്രന് സമ്മാനിച്ചിട്ടുണ്ട്.
സിനിമാ ലോകത്ത് ഇപ്പോള് കാര്യമായ അവസരം ലഭിക്കാത്ത രംഭ തന്റെ വിവാഹം നടക്കാത്തതില് ഏറെ ദു:ഖിതയായിരുന്നു. ഇടക്കാലത്ത് ക്ഷേത്രദര്ശനങ്ങളും പതിവാക്കിയിരുന്നു. രാഖി സാവന്തിന്റെ മാതൃകയില് ഒരു തമിഴ് ചാനലില് സ്വയംവരം നടത്തുന്നതിനെക്കുറിച്ചും ഒരു ഘട്ടത്തില് രംഭ ചിന്തിച്ചിരുന്നു.
തെലുങ്കില്നിന്നുള്ള രംഭയുടെ യഥാര്ത്ഥ പേര് വിജയലക്ഷ്മി എന്നാണ്. മലയാളത്തില് ആദ്യമായി അവസരം ലഭിക്കുമ്പോള് അത് അമൃതയായി. പിന്നീട് കോളിവുഡിലേക്ക് കുടിയേറിയപ്പോള് രംഭയായി. തമിഴില് വന് സ്വീകാര്യതയാണ് രംഭയ്ക്ക് ലഭിച്ചത്. തെന്നിന്ത്യന് ഭാഷകളിലും ഹിന്ദി ചിത്രങ്ങളിലുമായി നൂറില്പരം ചിത്രങ്ങളില് രംഭ അഭിനയിച്ചിട്ടുണ്ട്.
0 comments:
ഒരു അഭിപ്രായം പോസ്റ്റ് ചെയ്യൂ