കഴിഞ്ഞ കൂറേക്കാലമായി ജപ്പാന്‍ എയര്‍ലൈന്‍സ്‌ നഷ്ടത്തിലാണ്‌ പ്രവര്‍ത്തിക്കുന്നത്‌. കമ്പനി പുനരുദ്ധരിക്കാന്‍ നിരവധി നടപടികള്‍ അധികൃതര്‍ കൈകൊണ്ടുവെങ്കിലും സാമ്പത്തിക ബാധ്യതയില്‍നിന്നും കരകയറാന്‍ അതൊന്നും സഹായകമായില്ല. ജപ്പാനിലെ ഏറ്റവും വലിയ വ്യോമയാന കമ്പനിയായ ജപ്പാന്‍ എയര്‍ലൈന്‍സില്‍നിന്നും 15,600 പേരെ പിരിച്ചുവിട്ടിരുന്നു. 3.3 ബില്ല്യണ്‍ ഡോളര്‍ പബ്ലിക്‌ ഫണ്ടായി സ്വരൂപിച്ചും നഷ്ടം നികത്താന്‍ ശ്രമിച്ചുവെങ്കിലും അതും ഫലവത്തായില്ല.
അനുദിനം കടബാധ്യതയുടെ ആഴങ്ങളിലേക്ക്‌ വീണിരുന്ന ജപ്പാന്‍ എയര്‍ലൈന്‍സിനെ ടോക്കിയോ സ്‌റ്റോക്‌ എക്‌സ്‌ചേഞ്ചില്‍നിന്നും കഴിഞ്ഞ ഫെബ്രുവരി 20 ന്‌ ഡീലിസ്‌റ്റ്‌ ചെയ്‌തിരുന്നു. 22 ബില്ല്യണ്‍ ഡോളറിന്റെ കടബാധ്യതയാണ്‌ കമ്പനിക്ക്‌ ഇപ്പോഴുള്ളത്‌.
0 comments:
ഒരു അഭിപ്രായം പോസ്റ്റ് ചെയ്യൂ