ആള്ട്ടോയുടെ പുതിയ മോഡല് മൂന്ന് മാസത്തിനകം നിരത്തിലിറങ്ങും. സിഫ്ടിന്റെ പുതിയമോഡല് ഈ ജൂലൈയോടെയും വിപണിയിലെത്തും. പുതിയ മോഡലുകളുടെ വില യാതൊരു കാരണവശാലും മൂന്ന് ലക്ഷത്തിന് മുകളില് പോകില്ലെന്നാണ് സുചന. ഇതിനൊപ്പം സെന് എസ്റ്റിലോയും പരിഷ്കരിക്കുന്നതും ആലോചനയിലാണ്. 50,000 രൂപയുടെ കുറവാകും ഈ മോഡലിന്റെ വിലയില് ഉണ്ടാവുക.
ഏപ്രില് മുതല് മാരുതി കാറുകളുടെ വില കൂടുമെന്ന് നേരത്തേ റിപ്പോര്ട്ടുകള് ഉണ്ടായിരുന്നു. എന്നാല് ബജറ്റ് കാറുകള്ക്ക് ജനങ്ങള്ക്കിടയില് പ്രിയമേറുന്നതാണ് പുനര്വിചിന്തനത്തിന് മാരുതിയേയും പ്രേരിപ്പിച്ചത്. ലോകത്തെ വന്കിട കാര്കമ്പനികളൊക്കെ ബജറ്റ് കാറുകള് പുറത്തിറക്കാനുള്ള ശ്രമത്തിലാണ്. ടയോട്ട, വോക്സ്വാഗന്, ഹോണ്ട തുടങ്ങിയ കമ്പനികളൊക്കെ വില കുറവിന്റെ കാറുകള് പുറത്തിറക്കാനുള്ള ശ്രമം തുടങ്ങിക്കഴിഞ്ഞു.
ഈ കാറുകള് പുറത്തിറങ്ങുന്നതോടെ തങ്ങളുടെ മാര്ക്കറ്റിന് തിരിച്ചടിയുണ്ടായേക്കാം എന്ന കണക്കുകൂട്ടലിലാണ് മാരുതിയും. ഈ മത്സരത്തില് പിടിച്ചുനില്ക്കാനാണ് ജനപ്രിയ മോഡലുകള് പരിഷ്കരിച്ച്, വില കുറച്ചു വില്ക്കാന് മാരുതിയും തയ്യാറെടുക്കുന്നത്.
0 comments:
ഒരു അഭിപ്രായം പോസ്റ്റ് ചെയ്യൂ