ന്യൂഡല്ഹി: ഇന്ത്യന് നിരത്തുകള് കീഴടക്കാന് ടയോട്ടയുടെ ചെറുകാര് `എറ്റിയോസ്' തയ്യാറെടുക്കുന്നു. പ്രതിവര്ഷം 70,000 എറ്റിയോസ് ഇന്ത്യയില് വിറ്റുപോകുമെന്നാണ് കമ്പനിയുടെ കണക്കുകൂട്ടല്. ഡല്ഹിയിലെ ഓട്ടോഎക്സ്പോയില് സന്ദര്ശകരെ ഏറെ ആകര്ഷിക്കുന്ന മോഡലുകളില് ഒന്നും എറ്റിയോസ് ആണ്. വിപണിയിലിറങ്ങി അധികം താമസിയാതെതന്നെ എറ്റിയോസിനെ കാര് പ്രേമികള് ഏറ്റെടുക്കുമെന്നാണ് തങ്ങളുടെ പ്രതീക്ഷയെന്ന് ടയോട്ട കിര്ലോസ്കര് മോട്ടോര് ഡെപ്യൂട്ടി മാനേജിംഗ് ഡയറക്ടര് സന്ദീപ് സിംഗ് പറഞ്ഞു.
അടുത്ത വര്ഷത്തോടെയാകും എറ്റിയോസ് ഇന്ത്യന് നിരത്തുകളില് എത്തിത്തുടങ്ങുക. ടയോട്ടയും കിര്ലോസ്കറും സംയുക്തമായാണ് എറ്റിയോസിനെ നിരത്തിലെത്തിക്കുന്നത്. ബാംഗ്ലൂരിലെ പ്ലാന്റിലാവും ഈ കാര് നിര്മ്മിക്കുക. വില 10,000 ഡോളറിനും താഴെ (ഏകദേശം അഞ്ചുലക്ഷം രൂപ) യായിരിക്കുമെന്ന് കമ്പനി വൃത്തങ്ങള് സൂചിപ്പിക്കുന്നു. എറ്റിയോസിന്റെ വില്പ്പന ലക്ഷ്യമിട്ട് തങ്ങളുടെ ഡീലര്മാരുടെ എണ്ണം 50 ശതമാനം കണ്ട് വര്ധിപ്പിക്കാനും ടയോട്ടയ്ക്ക് ഉദ്ദേശ്യമുണ്ട്.
0 comments:
ഒരു അഭിപ്രായം പോസ്റ്റ് ചെയ്യൂ