റൈറ്റ്സ് ജനറല് മാനേജര് എന് ഡി ശ്രീവാസ്തവ, ഗ്രൂപ്പ് ജനറല് മാനേജര് എസ് ബി മാലിക് എന്നിവരാണ് ഇന്നലെ കഞ്ചിക്കോട് സന്ദര്ശിച്ചത്. കോച്ച് ഫാക്ടറി നോഡല് ഓഫീസര് ഉഷാ ടൈറ്റസ്, റവന്യു സര്വേ ഉദ്യോഗസ്ഥര് എന്നിവരും സംഘത്തോടൊപ്പമുണ്ടായിരുന്നു. ഒലവക്കോട്-കോയമ്പത്തൂര് റയില്പ്പാതയുടെ ഇരുഭാഗങ്ങളിലുള്ള പ്രദേശങ്ങള് റവന്യു അധികാരികള് റൈറ്റ്സ് സംഘത്തിന് കാണിച്ചുകൊടുത്തു. സന്ദര്ശിച്ച സ്ഥലങ്ങളില് സംതൃപ്തി രേഖപ്പെടുത്തിയ സംഘം റയില്വേ മന്ത്രാലയത്തിന് ഉടന് റിപ്പോര്ട്ട് നല്കുമെന്നും ഒരു മാസത്തിനകം നടപടിക്രമങ്ങള് ആരംഭിക്കാന് കഴിയുമെന്നും സൂചിപ്പിച്ചു.
കഞ്ചിക്കോട്ട് കോച്ച് ഫാക്ടറി സ്ഥാപിക്കുന്നത് സംയുക്ത മേഖലയിലായിരിക്കുമെന്ന് റൈറ്റ്സ് സംഘം പറഞ്ഞു. നേരത്തെ വിഭാവനം ചെയ്തതില് നിന്നു വ്യത്യസ്തമായി ടൗണ്ഷിപ്പ് ഒഴിവാക്കിയതാണ് സ്ഥലം കുറയാന് കാരണമെന്നും സംഘം പറഞ്ഞു. ടൗണ്ഷിപ്പ് വേണ്ടാത്തതിനാല് ഫാക്ടറി സമുച്ചയത്തിനു മാത്രമായി ഏതാണ്ട് 450 ഏക്കര് സ്ഥലം മതിയാകും. റെയില്വേ ലൈനിന്റെ തെക്കുഭാഗത്ത് 140 ഏക്കറും വടക്കുഭാഗത്ത് 150 ഏക്കറും സര്ക്കാര് ഭൂമിയുണ്ട്. ഇതില് തെക്ക് ഭാഗത്തെ ഭൂമിയാണ് റൈറ്റ്സ് സംഘം കൂടുതല് തൃപ്തി രേഖപ്പെടുത്തിയത്. റൈറ്റ്സ് നിര്ദ്ദേശിക്കുന്നത് ഏതു ഭൂമിയായാലും ബാക്കി സ്ഥലമേ ഏറ്റെടുക്കേണ്ടതുള്ളു. പരമാവധി കൃഷിഭൂമിയും കുടികിടപ്പും ഒഴിവാക്കി സ്ഥലമേറ്റെടുപ്പ് പൂര്ത്തിയാക്കാന് സാധിക്കും.
0 comments:
ഒരു അഭിപ്രായം പോസ്റ്റ് ചെയ്യൂ