സഹകരണമേഖലയിലെ നിക്ഷേപം 50,000 കോടി

മലപ്പുറം: കേരളത്തിലിപ്പോള്‍ സഹകരണ നിക്ഷേപം 50,000 കോടിയാണെന്ന്‌ സഹകരണമന്ത്രി ജി സുധാകരന്‍ അറിയിച്ചു. രാജ്യത്തെ മറ്റു സംസ്ഥാനങ്ങളില്ലൊം കൂടി ആകെയുള്ള സഹകരണ നിക്ഷേപം 80,000 കോടി മാത്രമാണ്‌.
കഴിഞ്ഞവര്‍ഷം സംസ്ഥാനത്തെ സഹകരണ ബാങ്കുകളില്‍ നിന്ന്‌ 48 കോടി രൂപ വരുമാന നികുതിയായും ഏഴ്‌ കോടി രൂപ സേവന നികുതിയായും പിടിച്ചിട്ടുണ്ട്‌. സഹകരണ ബാങ്കുകള്‍ക്കുമേല്‍ ചുമത്തുന്ന വരുമാന നികുതി ഒഴിവാക്കണം. പ്രാഥമിക സഹകരണ ബാങ്കുകളിലും വരുമാന നികുതി അടിച്ചേല്‍പിച്ചാല്‍ അവയുടെ സാമൂഹ്യക്ഷേമ പ്രവര്‍ത്തനങ്ങള്‍ നിലച്ചുപോകും.
വരുമാന നികുതി ഒഴിവാക്കികിട്ടുന്നതിനായി അടുത്തയാഴ്‌ച കേന്ദ്രമന്ത്രി പ്രണബ്‌മുഖര്‍ജിയുമായി ചര്‍ച്ച നടത്തും. കെട്ടിടം ഏര്‍പ്പെടുത്തി നല്‍കുന്ന എല്ലാ പഞ്ചായത്തുകളിലും നീതിസ്റ്റോറുകള്‍ തുറക്കുമെന്നും മന്ത്രി അറിയിച്ചു.