ഇന്ത്യയിലെ കോടീശ്വരന്മാരുടെ എണ്ണം ഒരുവര്ഷത്തിനിടെ ഇരട്ടിയായി. ലോകത്തെ കോടീശ്വരന്മാരില് 52 പേര് ഇന്ത്യക്കാരാണ്. കഴിഞ്ഞ വര്ഷം ഫോര്ബ്സിന്റെ കോടീശ്വര പട്ടികയില് 27 പേര് മാത്രമേ ഇടം നേടിയിരുന്നുള്ളൂ. more...
52 കോടീശ്വരന്മാരില് ആറു പേര് മാത്രമാണ് സ്ത്രീകള്. റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനി തന്നെയാണ് ഇത്തവണത്തെ പട്ടികയിലും രാജ്യത്തെ ഏറ്റവും വലിയ സമ്പന്നന്. 32 ബില്യന് ഡോളറാണ് മുകേഷ് അംബാനിയുടെ ആസ്തി.
കഴിഞ്ഞ വര്ഷം 21 ബില്യന് ഡോളറായിരുന്ന മുകേഷ് അംബാനിയുടെ സ്വത്തില് 54 ശതമാനം വര്ധനയുണ്ടായി. ലണ്ടനില് താമസിക്കുന്ന ഇന്ത്യന് ഉരുക്കു വ്യവസായി ലക്ഷ്മി മിത്തല് 30 ബില്യന്ഡോളറുമായി രണ്ടാം സ്ഥാനം നിലനിര്ത്തി.
കഴിഞ്ഞ വര്ഷം 20.5 ബില്യന് ഡോളര് ആസ്തിയുണ്ടായിരുന്ന മിത്തല് ഒരു വര്ഷത്തിനിടെ 46 ശതമാനം വളര്ച്ച നേടി. മൂന്നാം സ്ഥാനത്തുള്ള മുകേഷ് അംബാനിയുടെ സഹോദരന് അനില് അംബാനിക്ക് 17.5 ബില്യന് ഡോളര് ആസ്തിയുണ്ട്. നാലാം സ്ഥാനത്തായിരുന്ന ഭാരതി എയര്ടെല് സി ഇ ഒ സുനില് മിത്തല് എട്ടാം സ്ഥാനത്തേക്ക് പിന്തള്ളപ്പെട്ടു.
അസിം പ്രേംജി നാലാം സ്ഥാനത്തെത്തി. എസ്സാര് ഗ്രൂപ്പ് ഉടമകളായ റുയിയ സഹോദരന്മാരാണ് അഞ്ചാം സ്ഥാനത്ത്. 13.6 ബില്യന് ഡോളറാണ് ഇവരുടെ സമ്പാദ്യം. നേരത്തെ ആദ്യപത്തിലുണ്ടായിരുന്ന ആദി ഗോദറെജ് പന്ത്രണ്ടാം സ്ഥാനത്തായി.
0 comments:
ഒരു അഭിപ്രായം പോസ്റ്റ് ചെയ്യൂ