ഓഹരി വിപണിയില്‍ സമ്മിശ്ര പ്രതികരണം

മുംബൈ: ഇന്നലെ റെക്കോഡ്‌ വളര്‍ച്ച നേടിയ ഇന്ത്യന്‍ ഓഹരി കമ്പോളത്തില്‍ ഇന്ന്‌ വളര്‍ച്ച താഴോട്ട്‌. രാവിലെ വ്യാപാരം തുടങ്ങിയതുമുതല്‍ ബോംബെ ഓഹരി സൂചിക സെന്‍സെക്‌സും ദേശീയ ഓഹരി സൂചിക നിഫ്‌ടിയും താഴേക്ക്‌ വീഴുകയായിരുന്നു.
ഒരുഘട്ടത്തില്‍ 23 പോയിന്റുവരെ താഴേക്കുപോയ സെന്‍സെക്‌സ്‌ ഒടുവില്‍ നഷ്ടം 8.68 പോയിന്റായി കുറച്ചിട്ടുണ്ട്‌. 17225.79 പോയിന്റിലാണ്‌ സെന്‍സെക്‌സ്‌ ഇപ്പോള്‍. 6.35 പോയിന്റ്‌ നഷ്ടത്തിലേക്ക്‌ പോയ നിഫ്‌ടി 5120 പോയിന്റോടെ 2 പോയിന്റിന്റെ നേട്ടത്തില്‍ വ്യാപാരം തുടരുകയാണ്‌.