ധനലക്ഷമി ബാങ്ക്‌ നിക്ഷേപങ്ങളുടെ പലിശ കുറച്ചു

തൃശൂര്‍: ധനലക്ഷ്‌മി ബാങ്ക്‌ അഞ്ചുകോടി രൂപയില്‍ താഴെയുള്ള നിക്ഷേപങ്ങളുടെ വിവിധ കാലാവധിയിലേക്കുള്ള പലിശ നിരക്കില്‍ കുറവു വരുത്തി. റിസര്‍വ്വ്‌ ബാങ്ക്‌ ഓഫ്‌ ഇന്ത്യയുടെ പണനയത്തിന്റെയും വിപണിയിലെ വ്യതിയാനങ്ങളുടെയും അടിസ്ഥാനത്തിലാണ്‌ പലിശ നിരക്കില്‍ കുറവു വരുത്തുന്നതെന്ന്‌ ബാങ്ക്‌ അധികൃതര്‍ വ്യക്തമാക്കി. പുതിയ നിരക്കുകള്‍ പ്രാബല്യത്തില്‍ വന്നു. വിവിധ സ്ലാബുകളിലുള്ള പുതുക്കിയ വാര്‍ഷിക നിരക്ക്‌ ചുവടെ: നിലവിലുള്ള നിരക്കുകള്‍ ബ്രാക്കറ്റില്‍.
7 ദിവസം മുതല്‍ 14 ദിവസം വരെ 2.50% (3.25%), 15-45 വരെ 3% (4%), 46-90 വരെ 4% (5%), 91-179 വരെ 5.25% (6%), 180 ദിവസം മുതല്‍ ഒരു വര്‍ഷത്തില്‍ താഴെ വരെ 6.25% (6.50%), ഒരു വര്‍ഷം മുതല്‍ 3 വര്‍ഷം വരെ 7.25% (7.50%), 3-5 വര്‍ഷത്തില്‍ താഴെ വരെ 7.50% (7.50%). 5-10 വര്‍ഷം വരെ 8% (8%). മുതിര്‍ന്ന പൗരന്മാര്‍ക്ക്‌ വാര്‍ഷികമായി 0.50% അധിക പലിശ ലഭിക്കും.