ആഗോള സാമ്പത്തിക പ്രതിസന്ധി ലോകത്ത് ഏറ്റവും പ്രതികൂലമായി ബാധിച്ചത് വാഹന നിര്മ്മാണ കമ്പനികളെയാണ്. പല കമ്പനികള്ക്കും തങ്ങളുടെ വിവിധ യൂണിറ്റുകള് അടച്ചുപൂട്ടേണ്ട അവസ്ഥപോലും ഉണ്ടായി. ലോകസാഹചര്യം ഇതായിരിക്കേയാണ് ഇന്ത്യയില് വാഹന വില്പ്പനയുടെ ഗ്രാഫ് വളര്ച്ചകാണിക്കുന്നത്. more...
കഴിഞ്ഞ സെപ്തംബറില് 20.61 ശതമാനത്തിന്റെ ഉയര്ച്ചയാണ് കാര് വില്പ്പനയില് ഉണ്ടായത്. ഇരുചക്രവാഹനങ്ങളുടെ എണ്ണത്തില് 7.67 ശതമാനത്തിന്റെയും വര്ധനയുണ്ടായിട്ടുണ്ട്.
സൊസൈറ്റി ഓഫ് ഇന്ത്യ ഓട്ടോമൊബൈല് മാനുഫാക്ച്ചറേഴ്സ് പുറത്തുവിട്ട പുതിയ കണക്കുകള് പ്രകാരം സെപ്തംബറില് 1,29,683 കാറുകളാണ് ഇന്ത്യയില് വിറ്റഴിഞ്ഞത്. 2008 സെപ്തംബറില് 1,07,517 കാറുകളാണ് വിറ്റുപോയിരുന്നത്. ഇരുചക്ര വാഹനങ്ങള് 2008 സെപ്തംബറില് വിറ്റുേപായത് 7,78,424 എണ്ണമായിരുന്നുവെങ്കില് 2009 സെപ്തംബറില് അത് 8,38,150 എണ്ണമായി ഉയര്ന്നു.
ബൈക്കുകളുടെ മാത്രം സ്ഥിതി പരിശോധിച്ചാലും വില്പ്പന ഉയര്ന്നിട്ടുണ്ട്. 42,963 എന്ന കണക്കില്നിന്നും 45,451 എന്ന നിലയിലേക്കാണ് ബൈക്ക് വില്പ്പന വളര്ന്നത്. 6.46 ശതമാനത്തിന്റെ വര്ധന. മൊത്തം വാഹന വില്പ്പന കഴിഞ്ഞ സെപ്തംബറില് 19,92,262 ആയി വര്ധിച്ചു. 2008 സെപ്തംബറില് ഇത് 9,96,586 എണ്ണമായിരുന്നു.
0 comments:
ഒരു അഭിപ്രായം പോസ്റ്റ് ചെയ്യൂ