റീഫണ്ട്‌ ബാങ്കര്‍ പദ്ധതി 9 നഗരങ്ങളില്‍ക്കൂടി

ന്യൂഡല്‍ഹി: അധിക നികുതി തുക നികുതി ദായകര്‍ക്കു തിരികെ നല്‍കുന്ന റീഫണ്ട്‌ ബാങ്കര്‍ പദ്ധതി കൊച്ചിയും തിരുവനന്തപുരവും ഉള്‍പ്പെടെ ഒന്‍പതു നഗരങ്ങളില്‍ക്കൂടി നടപ്പാക്കാന്‍ ആദായനികുതി വകുപ്പ്‌ തീരുമാനിച്ചു. അലഹാബാദ്‌, അഹമ്മദാബാദ്‌, ഭുവനേശ്വര്‍, ചണ്ഡിഗഢ്‌, ഹൈദരാബാദ്‌, കാണ്‍പുര്‍, പൂനെ എന്നിവയാണ്‌ പദ്ധതി നടപ്പാക്കുന്ന മറ്റു നഗരങ്ങള്‍. ഈ നഗരങ്ങളിലെല്ലാം ഈ സാമ്പത്തിക വര്‍ഷം തന്നെ പദ്ധതി നടപ്പാക്കുമെന്ന്‌ കേന്ദ്ര പ്രത്യക്ഷ നികുതി ബോര്‍ഡ്‌ അറിയിച്ചു. നിലവില്‍ ഡല്‍ഹി, പറ്റ്‌ന, കൊല്‍ക്കത്ത, ചെന്നൈ, ബംഗളൂരു, മുംബൈ എന്നീ നഗരങ്ങളിലാണ്‌ റീഫണ്ട്‌ ബാങ്കര്‍ പദ്ധതിയുള്ളത്‌. സ്റ്റേറ്റ്‌ ബാങ്ക്‌ ഓഫ്‌ ഇന്ത്യ വഴിയാണ്‌ പദ്ധതി നടപ്പാക്കുന്നത്‌.