ചെന്നൈ: സാമ്പത്തിക പ്രതിസന്ധിയെ തുടര്‍ന്ന്‌ 5000 ജീവനക്കാരെ പിരിച്ചുവിടാന്‍ മഹീന്ദ്ര സത്യം ഒരുങ്ങുന്നു. വെര്‍ച്വല്‍ പൂള്‍ പദ്ധതി (വി പി പി) അനുസരിച്ച്‌ നിയമനം നല്‍കിയ 5000 ജീവനക്കാരെയാണ്‌ കമ്പനി ഒഴിവാക്കുന്നത്‌. ആരെയും പിരിച്ചുവിടില്ലെന്നാണ്‌ സത്യം ഏറ്റെടുക്കുമ്പോള്‍ മുതല്‍ അടുത്തിടെവരെ മഹീന്ദ്ര പ്രഖ്യാപിച്ചിരുന്നത്‌. അതിന്‌ വിപരീതമായി ജീവനക്കാര്‍ക്ക്‌ പിരിച്ചുവിടല്‍ നോട്ടീസ്‌ നല്‍കുകയാണ്‌ കമ്പനി ഇപ്പോള്‍ ചെയ്യുന്നത്‌.
സാമ്പത്തിക പ്രതിസന്ധി കാരണം 5000 ജീവനക്കാരോട്‌ ആറ്‌ മാസത്തെ അവധിയില്‍ പ്രവേശിക്കാന്‍ കമ്പനി നിര്‍ദ്ദേശിച്ചിരുന്നു. ഈ ഡിസംബര്‍ 11 നാണ്‌ അവധി കാലാവധി കഴിയുന്നത്‌. അതിനുമുമ്പുതന്നെ ഇവരെ തിരിച്ചെടുക്കാനാവില്ലെന്നുകാട്ടി കമ്പനി എല്ലാവര്‍ക്കും ഈ മെയില്‍ സന്ദേശം അയക്കുകയായിരുന്നു
0 comments:
ഒരു അഭിപ്രായം പോസ്റ്റ് ചെയ്യൂ